蒼海雜記

2015年4月17日  星期五  晴天

四月中期, 

大家都開始著短袖衫吧?!

睇返下面幅相, 

就知點解呢篇叫蒼海雜記.

下圖為兔寶寶在假期裡到呀婆家短住時,

每天的活動之一....到遊樂場玩~

2015花卉展

4月2日  星期四  晴天

續對上一個post,

食完pizza, 我同兔寶寶來個快行花卉展~

好多人, 自由行唔多, 

反而係好多姐姐, 可能因為有D花商係來自印尼的.

兔寶寶唔知學邊個, 

計V字手之後, 來個45度側頭...

不過, 佢好多時over咗囉, 

唔知仲以為佢瞓厲頸添~

由鮮花砌出的美女在花海中跳舞,

多幽雅~

但加埋兔小姐嘅瞓厲勁pose, 

D相就強國味甚濃了~

呀B, 其實你塊面都唔係好肥姐~

執相執到呢度, 

我忍唔住唱K 喇~

"猶如巡行和匯演　你眼光只接觸我側面

　沉迷神情亂閃　你所知的我其實是那面..."

自自然然大大方方咁影咪幾好...

盤景都擺得好靚~

來到鬱金香花海, 

兔寶寶又扮花...

小橋流水....

流水無入鏡~

地方唔大, 但人多, 

行了很久才行近天后那邊.

呀B已經迫到無乜笑容了.

雖然撩下佢又笑返, 但始終都係攰,

加上無晏覺, 開始扭眼瞓了~

打埋呵欠, 掙在未釣魚...

來到金羊這區, 

兔寶寶知道差不多可以走, 

才再次有些笑容..

不過臨尾, 佢已經叫我唔好影相LU~

(宜家D細路真巴閉, 

影相要問過佢本人願唔願意先!)

很多謝大家的關心...
到此我還未放棄這段婚姻,
只是作了最壞的打算, 最好的準備.
大方向就是以兔寶寶為先,
包括環境上, 還有精神上的種種因素.

路還是要行的.
可能未來的路會較難行,
但我確實不想自己的情緒受其他人支配,
而自己的情緒又影響到女兒.

皇室堡Pocoyo

3月31日  星期二  晴天

繼續和兔寶寶二人行.

久未執相, 這篇應該是廿二號那週日的事了.

照往常一樣, 早上去學芭蕾舞.

見那姐姐教得有心, 已經報名參加恆常班了.

運動會

3月29日   星期一  晴天

要快D出多D blog了,

呢兩個星期兔寶寶出席了很多活動, 影咗好多相呢!

先要寫寫上星期六在九龍灣運動場舉行的聯校運動會.

我替兔寶寶報了不少項目, 都是跑下步、執下豆袋、推下手推車咁...

原以為呀B手長腳長再加上是大B, 會比人贏在起跑線...

可惜佢同我一樣, 都係衰八掛, 

掛住望其他同學仔....

學校本來話呢日要著長袖運動衫,

但天氣太熱, 於是學校透過家長whatsapp群組叫家長可以幫小朋友換夏天衫...

不過呀B套夏天衫收了在天台....

我又想, 應該都唔會有太多家長特登摷返套夏天衫出來....

結果....ER....除咗三四個朋友仔無換衫,

個個都係著短袖, 兔寶寶, 辛苦晒!

係呀嗎累你咁特出!!

最後參加嘅聯校親子接力賽, 

我地就拎咗冠軍, 叫做有隻獎牌仔拎吓...

小圖為學校要種的小雛菊~

後記:
今次運動會可以說是感概良多.
本身呢一日係長週, 為了參加, 我故意調了假.
事前再三"請"大少一齊去, 係請, 唔係鬧,
講埋俾佢聽, 我真係想佢去.
佢唔去, 話要返工, 算, 做正經野緊要.
點知就係果個星期四、五都唔返, 放假返大陸按摩.

其實由我一出來工作開始, 就愈來愈覺得自己同單親的無分別.
朝早起身大少就瞓緊覺, 到我放工佢就返咗工.
星期六日免得奶奶話兔寶寶嘈住佢爸爸瞓覺,
基本上一打開眼就已經諗要帶兔寶寶去邊去邊...

三個人唯一會去吓街嘅日子就係星期三, 大少放假呢日.
以前佢都會早少少, 下午四點多就去接兔寶寶放學, 唔洗佢成日都留在學校咁長時間...
但...愈整愈遲, 甚至講埋出口, 佢根本唔想嘥時間去湊女...

可能已經唔係最近嘅事, 心情一定唔好,
但點都要面對.
打出來唔係要責怪邊個人.
只係人要變, 點都會變...

去動植物公園

2015年3月20日  星期五  晴天

又好耐無寫blog喇!

其實每日都有好多野想寫低, 

希望遲下兔寶寶再大少少, 會有多D回憶. 

可惜的是一日只能有廿四小時, 時間又走得太快~

兔寶寶返埋學, 就更加覺得嵗月唔等人!

出糧果日最開心, 會驚訝: 吓, 咁快又一個月喇!

 

 

跳芭蕾舞

2015年3月6日  星期五  陰天

好耐無寫blog啦!

 

新春大吉

2月25日  星期三  陰天

恭喜發財, 

祝大家羊年進步, 身體健康,

萬事如意, 心想事成!!!

馬年尾

    2月16日  星期一  和暖

羊年快來了, 

預先祝大家羊年很好運, 快樂又平安!!

飲飲食食..

2月12日  星期四  晴天

Post返上兩個星期吃過的晚餐...

學校旅行@大埔海濱公園

2月4日  星期三  陰天

上上個星期六, 

兔寶寶去了人生中第一個學校旅行呀~

時代真的進步了, 

小時候上幼稚園, 是沒有學校旅行的.

現在講求親子, 旅行會邀請家長參加.

旅行前一天, 老師已為小朋友安排在學校體驗野餐了.

而兔寶寶可能還小吧, 還不太懂緊張.

到達後第一件事, 在大草地唱校歌和祈禱.

蛋包飯@盛八食堂

1月27日  星期二  晴天

上星期五在銅鑼灣放工, 

早D去接兔寶寶放學, 兩母女一起去撐枱腳.

早前團購, 買了盛八食堂的現金卷, 

於是去了名店坊的鋪頭吃蛋包飯.

單點主菜, 加錢可以有埋湯、沙律或雪糕.

加十蚊選一款, 十五蚊揀兩款, 

加二十蚊, 就三樣都有晒!

我咁識計數, 緊係三樣都要啦!

沙律和湯都唔差...

又一週

1月20日  星期二  晴天

忙忙碌碌之下, 

轉眼又一週!

上星期三放學/放工後去咗中環食放題~

食完急急腳走喇!

忙碌的週日

1月12日  星期一  晴天

昨天好忙呀, 一早起身食完早餐, 

兔寶寶就嚷著要去圖書館..

照慣例, 一睇到佢無心機就即走!

去咗呢排我經常會同呀B, 兩母女去食LUNCH嘅地方....

係銅鑼灣嘅pancake color!

午餐四十幾蚊起, 味道就無乜好講, 

同一般茶餐廳差不多, 

可能我次次來都係叫滑蛋照燒雞飯, 

而佢D雞係麻麻地好食的, 燒得較乾.

份量方面就好夠, 

我同兔寶寶一人一半, 都飽咗七八成!

最抵最抵嘅係, 凡叫套餐可以特價叫甜品!

我地叫一份雪糕pancake, 都係加廿八蚊!

元旦日

1月6日  星期二  晴天

兔寶寶間學校由聖誕一直放假至到一月二号,
於是有幾日就要去咗婆婆到住.
元旦日一早起身, 我才獨自去接返佢...

晚上連同大少, 唔知去邊度食好..
左兜右兜, 發覺呢日連去酒樓打邊爐都加晒價.
最後去了鰂魚涌一間茶餐廳吃點心和烤魚,
雖然地方細小, 但D野食又幾好味喎~

食完野無野早, 去了杏花村行吓..
大少話呢度算多野食, 又唔多人,
下次過時過節可以走嚟呢個商場食.

 

聖誕節。平安夜

1月3日  星期六  晴天

祝各位新年快樂!!

新嘅一年第一個blog, 仍然係講緊上年嘅事!

先睇下十三點!

2014學校聖誕慶祝會表演

12月30日  星期二  晴天

兔寶寶幼稚園在十二月十九日在禮頓山會堂舉行了聖誕慶祝會, 

當日我也有請假參加.

事前我並不知道兔寶寶會表演什麼, 

常常聽到她哼"Jingle Bell", 還以為她表演唱歌...

到表演當日, 看見她某些同學穿了戲服, 

又和其他家長傾計, 才知每名學生都會扮演不同角色去邊跳邊唱...

於是我問兔寶寶: 你會扮些什麼去表演呀?

佢答我會扮蝴蝶!!!

所以到佢表演時, 我就睜大對眼, 

搵隻蝴蝶...

點知蝴蝶搵唔到, 竟然俾我發現佢係扮....

聖誕party補記

12月29日  星期一  晴天

睇返個blog, 原來已有廿多天無update!

呢排真係好忙呀, 因為公司襯年尾攪好多event,

好多時連假期都要返!

"幸好"呢個聖誕假, 兔寶寶學校只比要工作嘅大人多三天假期,

尋日我就帶咗佢入屯門比婆婆帶!

下面嘅Christmas Party, 

係早响上兩個星期就參加的!

兔寶寶睇小丸子

12月4日  星期四  晴天

 

兔寶寶現時還遠在屯門婆婆的家中休養.

小孩子好奇心強適應力又高,

無媽媽在身邊幾天還真是開心到不得了..

可憐的媽媽掛著孩子, 唯有把手機裡的照片看完又看...

 

天天返學經過棵聖誕樹, 都要同佢影下相.

現在除了上街吃東西外, 都甚少在家裡影相.

通常係返學時等升降機得閒, 先偷空影兩張.

 

手足口

12月2日  星期一  陰天

上星期四下午, 兔寶寶學校打來,

說呀B突然發燒.

回家吃了退燒藥後, 

不單無退燒, 而且在半夜發高燒, 

送往急症室後, 醫生說只是感冒...

跟著兩天仍是持續的發燒, 

但她精神不錯, 胃口也正常.

只是到了週末早上, 發現她雙腳佈滿紅點..

趁醫生還未關門, 急忙帶她去看醫生..

本來我都有懷疑過是手足口.

因為兔寶寶就讀的幼稚園在不久之前才發通告, 

有兩名小朋友感染了.

診斷結果, 果然是.

醫生告訴我, 喉嚨會是重災區, 

小朋友普遍會不肯吃東西, 

她喜愛吃的、能吃的, 都由她吃好了.. 

因為要上班, 所以我把她送入屯門, 

由婆婆照顧. 

除了胃口較差外, 她的精神尚算不錯.

離開我兩天, 日日有呀婆同佢玩, 

打電話俾佢, 佢好開心, 

唔多似掛住我, 最多係叫我"不如一齊玩"...

咁開心, 難為佢呀媽擔心佢,

擔心到半夜扎醒瞓唔返了.

去apm睇snoopy

11月25日  星期二  晴天

 

 

剛過去的星期六是長週,

這天公司在apm投了個攤位做宣傳,

除咗我過咗去做野, 兔寶寶都有來幫手呢!

做到四點幾, 帶了兔寶寶去樓下睇Snoopy.