簡易自製芝麻糊

3月1日  星期六  晴天

早排買了一包芝麻粉, 

想話整吓芝麻蛋糕又或者芝麻糊俾大少吃.

但因為懶和怕麻煩, 

包芝麻粉反而俾我加在麥皮裡吃了大半.

麥皮加咗芝麻粉真的有點似食芝麻糊架!

於是我就試吓將麥皮磨成粉,

好似煮麥皮咁煮, 睇吓扮唔扮得成芝麻糊先, 

咁咪唔洗磨米咁大工程囉~

 

麥皮磨粉加芝麻粉再加水煮滾佢, 

係勁似芝麻糊架!

煮好先落代糖, 咁就無咁肥啦~

嘻嘻, 不過芝麻熱量都好高, 

一次唔好食太多!

呢碗溝咗奶!

熄咗火先發現煮得過杰, 

可以加少少脫脂奶溝稀佢, 仲好食!

早排又整咗朱古力布甸, 

無乜特別, 係用即食布甸粉整嘅...

呢兩日暖返好多, 

衫都可以著少件.

天氣一熱, 燕瘦環肥無得呃.

有大肚DUM嘅人就要keep吓喇~

 

兔寶寶: 嘻嘻, 好彩我塊面仲呃得吓人!