心靈練習

11月24日  星期日   涼

事情發生在昨天晚上, 記憶還新, 要快些記下.

逢星期五要交"心靈練習冊", 

家長要唸一篇聖經故事, 

小朋友聽完之後, 回答一些問題,

然後朗讀金句.

昨晚的問題是, 你會為哪兩件事情而每天都向天父禱告?

我心想,  兔寶寶一定又是答希望天父俾佢做公主啦..

一係就係同佢去迪士尼啦..

再唔係就係去XXX同學屋企啦

反正細路仔來來去去都係呢D願望....

佢諗咗陣, 竟然話: "我希望媽咪唔好咁惡..."

吓?! 我心頭一震, 乜我好惡咩?!😓

同佢相處, 點諗都係佢惡過我!!

當我可憐兮兮的追問我點樣惡法時...

原來佢係話, 希望唔好有蚊蚊咬佢!😒

究竟係我隻耳有問題?! (媽咪同蚊蚊又有D似嘅...都係M字頭)

定係有人轉數夠快?

答案...只有兔寶寶自己知了~~

而另一個禱告事項..

兔寶寶話佢要每天祈禱, 

祈求佢其中一個頭箍(註: 佢至少有成十幾個頭箍)上面嘅蝴蝶唔好咁容易甩落嚟!

果隻頭箍係佢其中一個女同學生日會派嘅, 

全班女仔人人有份一人一個, 兔寶寶都咁珍而重之, 

真係估佢唔倒兔寶寶!!!

呢兩個禱告事項聽落好似好無聊咁,

但如果每個人要禱告的事項都是這麼單純, 

那世界多美好!😇