1月11日 星期三 晴天當叉燒遇上雞...唔係雞腔入面塞舊叉燒呀!寫呢個blog前, 大少再三提我要告訴大家,佢之所以食到呢隻雞, 係托我呀哥嘅福喎!本來呢隻雞係醃定嚟等上星期日呀媽同呀哥嚟食架!點知呀媽上到來, 佢就同我講話佢果日要食齋;而呀哥就甩底唔嚟, 哈, 咁慳返唔洗攪咁多野, 呢隻雞就留至尋日先燒來吃喇!!
整咗好幾次燒雞, 開始想攪攪新意思,心中嘅idea有搽D蝦醬加糖响外皮整蝦醬燒雞.不過呀哥佢麻麻地蝦醬呢D咁重口味嘅調味料;於是就用叉燒醬來醃啦!!
隻雞咁燶係因為開頭果10分鐘我忘記咗關上火較個轉焗功能,亦都有可能係叉燒醬糖份高易燶之故.
而我仲未記得買錫紙!!你咪睇佢樣衰衰,大少話仲好食過鹽焗雞!佢仲叫我得閒燒隻俾兔寶寶嫲嫲試吓添!!
呵呵, 嚟緊可能我會整腐乳燒雞、馬拉盞燒雞 、 蝦醬燒雞...真係要入多幾隻雞落雪櫃先得喇!!
5月8日 星期三 晴天
星期一弄了簡單的午餐.
沒時間去超市,
家裡只有幾條西芹和枝粟米,
一起倒進鍋裡煮芝士通粉.
兔寶寶大啖大啖的吃,
她愛粟米, 也愛西芹,
上次加腸仔粒反而吐出來.
見我影相就瞟著我,
好像警告我別騷擾她吃東西...
狼吞虎嚥的吃,
直到烤雞出爐, 情況又不同了.
試過各式烤雞,
今次用上IKEA牙膏裝的蟹醬.
因為味道有點咸, 加了點糖一起醃.
但就是怕它太咸, 蟹醬落得少了點,
雖然醃了兩天, 還是有點不夠味.
放入焗盤上時還神推鬼拱的把雞殼朝底,
幫它翻身時有些皮黏在鍚紙上, 有點甩皮甩骨...
但兔寶寶見到烤雞可高興呢!
馬上指著要吃.
切了隻雞腿給她,
叮囑她要待涼才吃.
呀B卻引不住用手指頭篤了又篤,
哎呀! 真係熱熱架!
燙到了都咁開心, BB真係BB...
11月26日 星期一 陰天
前幾日同大少行惠康,
佢見到冰鮮雞做緊特價,
話我好耐無焗雞佢食喎!
我話你幫手切個雞頭落嚟咪買嚟整囉~
點知買完雞, 佢就無咗件事返咗工喇...
今次係我第一次用較剪剪走個雞頭同兩隻雞腳呢!
整呢隻蜜汁蒜香雞好簡單咋,
只係早兩晚用大約一茶匙鹽 + 一茶匙薑蓉醃過一遍後,
再加上一包"你諗你"嘅蜜汁蒜香骨醬醃兩晚;
之後用150度焗約一個鐘.
因為買咗支矽膠嘅掃仔,
就"新C坑"咁响焗嘅途中打開門搽返D醃雞剩嘅汁落去...
唔知係咪太耐無整呢?!大少話咁整好好食喎!本來我同大少一人一隻脾架,
但我果隻俾兔寶寶食咗一大半呀!
好彩我可以獨吞一隻雞翼!
***************************
兔寶寶近期愛上跳舞, 成日响度左"UN"右"UN",
仲要對住塊鏡嚟"UN",
真係要幾招積有幾招積...
呢日試對新嘅毛毛拖鞋,
佢照鏡之餘亦忽然興起要跳返part舞先...
跳完! 除鞋!
最近佢成日偷偷地著我同大少D鞋,
除鞋?! Easy job啦!
7月8日 星期一 晴天
有日响百佳俾我見到D羊扒減價,
七月尾先到期架喎!
估計係果批羊幾肥下, 俾人揀剩無人買!
成日都想整孜然羊肉俾大少食下, 咁平梗係要試下整啦!
D羊真係好鬼肥架,
想過用較剪幫佢修吓身,
不過費事攪到佢核核突突, 一陣大少唔食就大件事!
反轉個廚房都搵唔倒包孜然粉
,
前排成日都見到佢响調味架嘅當眼處,
見唔係成日用, 就將佢好好收藏好架?!
究竟放咗响邊呢?!
搜尋過程反而搵到樽未開封嘅法國芥未,
襯佢未過期就用佢來醃啦!
有兩個薯仔, 本來切咗片浸過鹽水就咁焗就算,
到佢差不多熟時, 心血來潮放咗D芝士上面焗...
呢隻係馬莎買嘅double gloucester,
十蚊雞一次用一舊, 焗完有D脆卜卜.
羊扒我唔食喇, 食D薯仔算~
我自己覺得咁整薯仔好好味!
兔寶寶就爭食上面層芝士!
完成品, 大少一人獨享.
佢首先就話我唔見咗包孜然粉應該落街買,
之後佢話似食牛多過似食羊喎!(佢嘅語氣都幾負面吓..
)
明明我聞到好大陣騷味架, 咁都唔似羊?!
兔寶寶食完芝士,
就食蘋果...
******************
同場加映, 兔寶寶率先示範,
2014夏季最潮髮型....
(呀B, 係我唔啱, 唔好啤媽咪呀~
)
5月8日 星期三 晴天
星期一弄了簡單的午餐.
沒時間去超市,
家裡只有幾條西芹和枝粟米,
一起倒進鍋裡煮芝士通粉.
兔寶寶大啖大啖的吃,
她愛粟米, 也愛西芹,
上次加腸仔粒反而吐出來.
見我影相就瞟著我,
好像警告我別騷擾她吃東西...
狼吞虎嚥的吃,
直到烤雞出爐, 情況又不同了.
試過各式烤雞,
今次用上IKEA牙膏裝的蟹醬.
因為味道有點咸, 加了點糖一起醃.
但就是怕它太咸, 蟹醬落得少了點,
雖然醃了兩天, 還是有點不夠味.
放入焗盤上時還神推鬼拱的把雞殼朝底,
幫它翻身時有些皮黏在鍚紙上, 有點甩皮甩骨...
但兔寶寶見到烤雞可高興呢!
馬上指著要吃.
切了隻雞腿給她,
叮囑她要待涼才吃.
呀B卻引不住用手指頭篤了又篤,
哎呀! 真係熱熱架!
燙到了都咁開心, BB真係BB...
