Veritas's Blog: 焗麵包

顯示具有 焗麵包 標籤的文章。顯示所有文章

2014年6月26日星期四

芝腿拼醬多

6月26日星期四晴天

尋日大少放假,

摷佢起身要佢接個女放學...

佢同兔寶寶去食拉麵做下午茶,

而我响屋企偷得浮生,

用烘焙紙加煎pan整咗份芝腿多~

2014年6月20日星期五

2013年9月3日星期二

我的寂寞晚餐

12月29日星期六晴天

前兩日大少帶埋兔寶寶出去玩,
剩低我响屋企無無聊聊,
焗咗個類似pizza的Focaccia,
自己吃自己...
27122012 010

食譜參考: Focaccia with garlic and onion (原自T&P)

今次我就很簡單的塗上蕃茄香草醬,
再加上大量的高溶點芝士.
27122012 003

嘻嘻, 呢D就係我理想嘅芝士包,
街外絕不能買到, 芝士多得有點兒變態...

還弄了腐竹白果粟米糖水+湯圓給自己吃...

三色椒吞拿魚火腿薄餅(免搓餅底)

5月26日星期六時晴時雨

今朝好大雨呀! 我落去街市一陣間就由頭濕到落腳,
有傘都濕呀!
如果唔係要買D青紅黃椒整Pizza, 我先唔會咁大雨走落街!

跟T&P嘅免搓包食譜, 兩日之前已經整定兩盒餅底,
唔多夠高筋粉我又唔想剪開另一包用果少少, 所以加咗D全麥粉塡夠數.
用叉吉D窿窿等塊餅底更脆, 用保鮮紙蓋面包可以碌得更薄.
pizza2

塗上吞拿魚醬(可以用意粉醬, 千島醬, 甚至茄汁...)然後醒15分鐘, 這時可順道預熱焗爐210度,
以及準備餡料.

今次我用青紅黃椒粒和火腿.
鋪上餡料後放入焗爐焗18分鐘, 又或者餅底焗到變金黃色.

取出並加上芝士, 再放入焗爐焗多兩至三分鐘.
26052012 010

我用mozzarella芝士碎,响廣東道尾(近官涌街市)一間叫安格斯嘅凍肉鋪買, 廿蚊有200克,
買返嚟放冰箱可以擺好耐架!
果度仲有好多羊架呀、鵝肝呀、刺身同世界各地嘅醬料賣,
平過 City Papa好多架!

出爐喇!!

餅底好薄唔怕食滯, 大少咁怕漏都食咗三件(即係一半).
自己整材料一定豐富, 仲可以落幾多芝士都得!

不過我忘記了餅底本身都咸,
塗得太多吞拿魚醬, 火腿又落多咗,
食食吓覺得咸了少許.
今次我用260克麵份對大約2/3茶匙鹽, 都係太咸,
下次整餅底要再落少D鹽了.

食完pizza洗好晒碗, 太陽出來了!

又可以帶兔寶寶坐單車喇!

吞拿魚芝士"發"包

1月28日星期六晴天

28012012 009

年初六喇!!
今年好多人都休到初八,
街市賣菜嘅檔口都唔例外,
呢兩日我都係响超市買菜!!
俾我發現有包就過期嘅芝士特價喎!
咁一於"芝芝"佢啦!!

太凍加埋太懶嘅關係,
都無自己整餅底,
去買現成麵包就算!
本來諗住用方包,
見麵包鋪有法包仔賣,
咁用法包仲好, 脆D香口D,
發發聲仲好好意頭添!!

一大舊芝士整溶佢, 再加埋大量吞拿魚,
我食得好滿足呀!!

****************************************************

兔寶寶又睇住我地食....

11月27日星期日晴天

聽日係大少身份証上面嘅生日呀!
大家唔洗講生日快樂架,
因為佢個出生日期係假架!

海洋公園好好呀!
除咗一路都有嘅生日者免費之外,
今年當天生日果位仲可以為一位同伴以半價入場!
而兔寶寶未夠三嵗又係免費架嘛,
咁即係淨係俾我一個半份錢(即係佰四蚊)就可以一家人入埸玩喇!!
半價優惠去到出年八月尾咋!!

所以我地聽日會去海洋公園呀!
本著"你嘅錢即係我嘅錢, 我嘅錢都係我嘅錢"嘅精神,
我緊係唔會立亂洗大少d錢啦!
入面連麥當奴都貴過人架嘛!
除咗帶定水同汽水之外,
我仲準備咗一盒三文治卷卷呀!!

個卷卷係用咗火腿芝士同埋吞拿魚做餡料,
上面一盒已經用咗六塊麥包整架喇!
應該夠食掛?!

哈, 好似小學生去旅行咁,
早知買埋材料整菠蘿腸仔啦!!

兔寶寶係咪知道聽日去海洋公園心情特別興奮呢?
佢成點鐘先瞓得著呀!!

兔寶寶: 你地大人瞓, 我都唔瞓, 我bu!!

免搓七殼包

10月12日星期三雨天

好唔鍾意落雨濕濕呀,
湊住兔寶寶, 一落雨就邊度都唔洗去...

上次整咗D咸到死嘅芝士火腿包,
睇返舊文其實我寫錯咗,
果兩個應該係麥包(落麥粉)而唔係七穀包,
上個星期日襯兔寶寶舅父嚟到,
先焗返兩個七殼包.

七穀包係比麥包更粗糙更有一粒粒果實嘅咬口,
感覺比麥包更健康!
我都好鍾意食七殼包, 咬落一粒粒有得o趙吓o趙吓!
依然係用T&P嘅免搓包食譜,
今次用100克七穀粉代替其中100克高筋粉,
鹽嘅份量亦減少至一茶匙.
詳細食譜請按: Focaccia with garlic and onion

今次嘅七穀麵糰較為"瀉",
可能高筋粉比例少咗, 筋性較低,
比較難去整形,
成品比之前核突!

諗住呀哥佢應該唔鍾意火腿,
所以一個落咗豬肉鬆

裡面搽咗一層响宜家買嘅辣根醬(Horseradish Sauce).

另一個就落多一層亞麻子
09102011 018

呢個就無咩特別, 諗住唔放肉類餡,
可以留多日. 09102011 020

*****************************************************************************************

兔寶寶第一次飲水,
一路飲一路鬧人...

免搓七穀芝士火腿包* Photo Hunt遊戲

10月6日星期四晴天

又係免搓包...
今次加咗七穀粉, 諗住有益D...

唔係無諗過做港式包,
只係港式包, 我只喜愛雞尾包同椰絲菠蘿包,
唔肥唔食...
自己整, 落咁多牛油雞蛋,
我怕自己整完唔敢食呀!!
走落街買,
一來眼不見為乾淨,
二來方便利落,
好似唔係好值得自己落手落腳做...

而呢D歐式麵包, 唔係一般街坊麵包鋪買得到,
加咗低脂芝士同火腿做餡...
鐘意呢D包粗粗嘅外皮同扎實嘅口感.
麵包係我主糧呀, 要食得健康D!!
02102011 033