兔寶寶第一次著裙呀!

6月12日 星期日  下雨天

兔寶寶出親街都俾人話佢似男仔...哈, 佢咁細個無咩所謂啦!!
但係大少好興問人地: 個BB似佢定似我呀?
咁人地話得兔寶寶似男仔, 就緊係話似你啦, 大少!!

呢樣野我就唔抵得....係呀! 我妒忌呀! 我小氣呀!
為咗唔好俾大少咁得戚, 上星期出街前我就突意幫兔寶寶打扮打扮,
等兔寶寶唔好咁"英"!!

兔寶寶: 著咗我人生第一條裙喇!!

兔寶寶: 我都係要'young', 'young', 'young'
              幣!! 走光tim~

兔寶寶: 著埋粉紅色外套同埋鞋仔...睇吓仲有無人話我似男仔!!

兔寶寶另一條兔仔裙....

為防走光, 加多條褲...

睇咗咁多, 係咪覺得我愈來愈有女人味呢?!

我係淑女, 唔好蝦我.....
                   *
                   *
                   *
                   *
                   *

黃飛鴻上身..............

抬起頭來...

6月8日  星期三 晴朗

兔寶寶: 我愈大愈招積呀~

兔寶寶仲有唔夠一個星期就兩個月大喇!! 呢幾日臨瞓前都同佢做下頸部運動....

由出世以來未試過俯臥的兔寶寶, 用盡力, 都抬唔起頭, 最多都係個頭仔'鐘'吓'鐘'吓咁...
有一次我諗住表現俾婆婆睇, 呢個兔寶寶, 仲扒响度瞓著咗....

真係羞死鬼....


做得人呀媽, 我點會咁輕易放棄呢? 一次唔得咪第二次囉....
呵呵....經過兩母女多番努力, 兔寶寶終於唱吓楊千嬅首"抬起我的頭來"...