Veritas's Blog: 兔寶寶嵗半至兩嵗

顯示具有 兔寶寶嵗半至兩嵗 標籤的文章。顯示所有文章

2013年9月6日星期五

兒童節TEA一TEA @ California Pizza Kitchen

5月7日星期二陰天

好離譜呀好離譜!
端午節都嚟緊喇, 我仲寫緊四月兒童節前嘅野!
兒童節前嘅一個週末,
我同兔寶寶去咗一個新蒲崗嘅新商場MIKKI,
Join埋呀婆同舅父食個TEA!

可能個商場實在太隔涉喇,
呢間餐廳做埋TEA SET,
又幾好招呼, 價錢又唔貴,
但週未都無乜人!
經理哥哥仲送埋吹氣球同顏色筆俾兔寶寶呢!

飲水都有兒童專用杯...
bb2

叫咗三個SET,
因為呢餐太耐歷史嘅關係,
菜名都唔多記得, 差唔多就算喇~
一個係忌廉煙肉意粉.

凱撒沙律正正常常,
TEA SET價來說都算大碟,
抵食!

兔寶寶"畢"菜吃..

完全無印象呢個係咩PIZZA,
亦唔多記得佢好無食.
不過厚到好似食麵包咁, 應該就麻麻喇!

兔寶寶就精喇!
成塊CUP落塊面度食晒D餡!
留返塊包皮俾媽咪!!!

最後食到污污糟糟!

响商場行多陣就走人喇!!!
bb6

蝦禾米乳香豬@季季紅

4月22日星期一晴天

續: 兩嵗舊曆生日

玩完返屋企,
原來舅父同呀婆都出咗嚟呢!
佢地上來同BB玩一陣就走了,
兔寶寶仲表演空中一字馬俾大家睇.... 22042013 001

************************

晚上我地去爺爺屋企食飯,
慶祝兔寶寶舊曆生日, 我地切豬~

由灣仔運往北角途中,
都聞到好香呀!
連我唔鍾意食豬都覺得好香呀~

打開個蓋....
噢~ 乜隻豬咁瘦, 仲瘦過兔寶寶喎?!

瘦豬內塞滿炒飯.

隨豬附送較剪一把....
剪豬儀式由大少展開~~~

瘦豬嘅好處就係唔肥,
層皮脆卜卜, 我都食咗兩塊皮.

而且入面D炒飯唔會覺油,
炒飯配有蝦米和芋頭粒, 很惹味.
我吃了很多.

當我們興致勃勃切豬時,
主角兔寶寶連位都唔肯埋,
無厘神氣地坐在梳化無所事事...
每當有人遞食物給她, 她就發晒脾氣,
擺出一副生人勿近的樣子.

一隻豬得幾個大人食,
預早請奶奶不要煮太多餸,
炒碟菜就行了;
不過她還是煲了牛肉雜菜湯.
22042013 007

還有一碟蒸倉魚,
本是預備給兔寶寶吃的.

奶奶見兔寶寶不吃魚不吃菜,
又唔抵得走入廚房又煲粥又煮麵咁.
可惜兔寶寶寧願躺下扮瞓覺
對任何人都不瞅不睬...
老爺奶奶很擔心呀!
唯有同佢地解釋,
呀B係食咗藥+唔夠瞓,
先會咁架姐, 玩嘅時候都好生猛架....(下刪三百字)

大人都未吃完, 就提早拎個蛋糕出來切,
都係希望兔寶寶肯食蛋糕咋!
預早幾個月就想定親手整蛋糕,
不過因為病+要留精神照顧兔寶寶關係,
求其响屋企附近買個黑森林就算了.

吹蠟燭儀式,
兔寶寶沒期待的雀躍,
反而是扁咀+扭計!

成餐飯什麼都沒有吃,
每個大人都無癮非常~

食完飯兔寶寶自己攞鞋拎襪,
速速要離開咁款...

真不好意思呢~

焦急萬分

4月18日

早前我生病了, 入院住了好幾天.
到出院時輪到兔寶寶....
希望快些一切回復正常,
和大家見面.

4月6日星期六陰天

這一篇, 充滿負能量,
心情欠佳的請略...

昨天又帶兔寶寶到幼兒園面試.

這一間是最後一間, 也是我最心儀的學校...

過程不多說了,
只能說面試完畢,
感到很沮喪.

自幼讀天主教學校,
又上了幾年教會,
雖然沒有受洗, 也沒有遵守什麼誡條.
但我相信, 神, 會安排每個人一條最好的路走.
每當失意時, 就用這信念來安慰自己.

或許, 神不希望兔寶寶上預備班呢?

早就計劃為兔寶寶找間全日制的幼兒園,
那我就重歸勞力市場,
結束全職主婦的生涯了.

不是不想投放全部時間給兔寶寶,
在這兩年, 我常常問自己,
是不是適合作一個全職媽媽呢?

以前以為做一個全職媽媽, 只要家庭經濟收入好就行(但我們都不是呀, 只是夠吃夠穿已矣),
反正個人的購買慾不大...當了兩年家庭主婦,
才發現細心、有耐性、懂得去教孩子、和孩子溝通也很重要.
之前還自誇替過很多孩子補習,
要教好一個小豆丁, 有何困難呢?
但原來要和一個什麼概念都沒有的寶寶溝通,
絕對不是容易的事.

更重要的條件是家人的支持,
至少不會認為家庭主婦是很悠閒,
日日坐在家嘆世界;
有些男人總是不知道幼兒的破壞力驚人, 每天收拾完後又收拾,
家務是永遠做不完的.
我只是想做個受人尊重的主婦,
而不是做呀四...
吃飯途中也得倒茶遞水...也許做呀四還不配呢!
當火引挑起時, 你還要問我,
為何不對著你笑...大少, 漸漸由我心中昇華到大爺...
不! 是太上皇才對.

失望透頂的,
還有被人怪責,
為什麼整天對著女兒,
卻教不曉她說話?!
我只是相信神,
卻永也不是神.
你都應當明白, 你女兒有她獨特的個性.
要怪責我也無話可說,
也許就怪我當初自負太高,
又或者, 正如你堅持我無力對抗的指責,
是我太懶惰了...
我承認了, 你會開心些麼?!

嚕囌發完, 言歸正傳.現在做父母可真難呢!
坦白說, 近期我常常做夢,
都是一些兔寶寶上學的夢,
睡眠質素極差,
常有夢魘、睡眠性癱瘓和磨牙的情況出現.自己也暗自慶幸, 有個很聰明的哥哥,
所以幼稚園、小學、中學,
也因著兄妹關係, 入到一間間好學校,
父母也未曾為我選校的事煩惱.

為了減輕自己承受幼兒園面試的壓力,
和每次失敗的內疚、自責,
我跟太上皇說,
要是這間幼兒園只容許一位家長陪伴,
那麼你去吧!

為什麼每次interview都是下雨天?

未接到面試結果通知之前,
我還是祈盼神蹟的出現.
可是還得要準備, 下一步應該怎樣走了.

吃不停

4月5日星期五陰天

星期三, 又係大少放假天.
午餐已是下午茶時間,
就簡簡單單, 去粥店吃粥.

我的皮蛋艇仔粥配炸兩.
04042013 011

大少的生滾滑牛粥配牛腸.

預了兔寶寶吃走豉油的牛腸,
她卻爭著吃我早已淋了各式調味料的炸兩,
弄得滿口是甜醬.

大少幫她抺嘴,
動作一定很粗魯喇!
兔寶寶投訴呀~~

兔寶寶, 要不要來一杯"兒童鴛鴦"來止止痛?

******************************

之後我們走到銅鑼灣逛一會,
黃昏五點半, 就預備吃另一餐了.
又是吃放題呀! 這一間放題我們光顧過它的九龍店,
大少當時已經讚不絕口了.
今次來到銅鑼灣店, 我們同樣是很滿意呀!
這次還增加了一個自助open bar,
那些日式小吃,
好似沙律、螺肉、炒蜆、翡翠螺、咖哩牛腩等等都可以自己食幾多, "畢"幾多;
又有專人切西冷牛肉.
更加好嘅係唔限時,
開頭果兩個鐘兔寶寶仲要瞓咗覺,,
俾我地慢慢食!