豪情暢飲

 2012年8月11日下午2:01

摷返D舊相, 上星期唔記得邊日,
我地又去飲茶了...
大少喜歡一路食一路嘆茶,
所以一星期總有一兩天是會上酒樓的.


兔寶寶, 唔係叫你表演<豪情暢飲今晚夜>呀!

兔寶寶: 咁我唔飲囉...

兔寶寶: 咦?! 有本雜誌喎~



兔寶寶: 一路嘆茶, 一路睇吓雜誌, 咁先夠嘆...

食嚟食去都係果D野, 都無乜點影相,
睇相見到果日有嗌麻蓉包,
先記起好耐都無食過了,
亦愈來愈少酒樓有得賣.
中式包之中, 最愛係佢,
細細個果時已經可以一次過食晒一籠.

兔寶寶: 媽咪, 唔好响度想當年啦!
             落嚟同我玩仲好啦!

無錯嘅, 時代真係唔同咗.
以前我地出街食飯, 邊有得食食吓落地玩架!
同大少講過好多次唔好個B一扭就放佢落地,
撞到人果時都唔知人地同你say sorry好定你同人講對唔住好...
可惜宜家講已經太遲, 大少同兔寶寶都好似習慣咗食到咁上下要落地玩咁...
大少話BB坐得耐會悶喎!
最頂癮係同連一向嚴肅的呀公都說著同一番話,
果真同人唔同命...
我係講我同兔寶寶~
就係因為所有人都對兔寶寶寬鬆,
睇嚟衰人呢個角色我是做定了.

兔寶寶: 媽咪, 唔好咁啦! 我又唔係跑嚟跑去,
            最多都係蹲低企起身再蹲底又企起身,
            攪到你頭暈暈JAR嘛!

瓜子蜆炒粒粒.

3月6日  星期三  晴天

如果去潮州打冷呢,
很喜歡叫瓜子蜆,
不過宜家D野愈整愈貴,
都係响屋企食化算.
大家有無留意呢?
百佳D野真係平好多好多,
翠玉瓜只係三蚊兩條, 茄子五蚊有兩大碌.
唔係鼓勵大集團消費, 而係邊度平幫襯邊度.
而且百佳竟然有瓜子肉賣, 想唔幫襯都唔得.

呢碟係小作, 茄子翠玉瓜炒瓜子肉粒粒...


很開心, 自己亂來的菜式,
真的很好味呀!
有幾亂來呢?!
麥當當食剩的薯條,
都給我切粒放埋落去了...
這果菜加了意粉醬、一茶匙的沙哆醬呢!

*********************

第二天, 奶奶送來了一瓶不知是什麼的醬,
好似沙嗲咁, 但又不是沙嗲..

用它再炒多碟小炒..

還有, 炒薯絲.
刀功不好, 薯絲變薯條了....

午餐肉炒蛋.

還有個菜..
呢是宵夜來呢!
很豐富是不是!?

咁夜兔寶寶都食到津津有味....

北上

11月15日  星期四  晴天

本來打算星期日晚先至上深圳揼骨,
點知果朝一起身我個背脊連頸痛到不得了,
應該係我成日抱住兔寶寶瞓嘅後遺症嚟嘅..
連轉條頸、笑大力D都痛,
於是我地提早就開始我地北上揼骨之旅喇!

搭火車時嘅兔寶寶, 好興奮,
係咁撩後面嘅乘客玩, 氹到人鬼C咁開心~


今次我地嘅行程都比較HEA,
而且上過來咁多次, 次次都係攪果D野架喇,
無乜特別就無影相喇!
野食又係食果D, 有幾餐仲响按摩院解決,
呢一餐係唯一有影相嘅...



兔寶寶都仔細研究餐牌.

我地叫咗: 鐵板魷魚...

雜菌牛肉煲.

蠔仔煎蛋.

薑汁炒芥蘭.

我係睇返張單先記得D名架!

呢個最後叫, 就唔記得係乜野煎釀豆腐, 18蚊人仔,
不過其實係無野釀响入面嘅, 只係一塊塊豆腐就咁煎咗,
好彩都幾好食, 我覺得大陸D豆腐同豆漿係好食過香港果D~

呢張相大少笑得好開心, 不過兔寶寶就扭計仔...

扭乜野呢?!

有人要fishing呀!!

嘭!!!

臨尾一晚, 响金光華出面,
一大班人飯後跳跳健康舞.
兔寶寶見到即刻衝入人群....

原來佢想跳埋一份呀!