試用椰子油

10月21日  星期二  晴天

最近的天氣乾了很多, 

而我的皮膚本身就十分乾燥的, 

即使在夏天, 洗澡後也要立刻全身塗上嬰兒油.

一般的潤膚膏對我是無效用的, 

塗了一會就會感到皮膚很乾燥了.

冬天時就要常常補塗嬰兒油, 

否則大腿皮膚會龜裂的...

最近很HIT的椰子油, 

早就心思思想買來試試了.

上星期經過灣仔一間專賣店, 

就買了一瓶來試試.

我的皮膚敏感

                 6月12日  星期四  晴天

自上月尾起就受到皮膚敏感的困擾, 

初時是肩、頸、肚起粒粒劇痕紅點, 

懷疑是在公園被蟲咬所致.

遇熱出汗會更痕.

去了政府診所一連五天服藥吃好了, 

不夠一星期又起紅疹, 

今次出現的位置正正在內衣褲位, 

以為是熱痱, 剛巧那幾天是端午節假期, 

無醫生可看, 唯有上網看看如何舒緩痕癢.

原來有一種爽身粉聞名於國內, 

由泰國製造, 鐵罐上印有一條蛇, 

藥房稱之為"蛇粉".

成份當然每有蛇, 

只是它比一般爽身粉加添一種清涼的成份, 

刷在身上是舒服了, 

可惜我的皮膚受不了它的乾燥, 

敏感持續.

待假期完結, 

急急腳看醫生.

西醫說不是熱痱而是皮膚敏感, 

打了一針, 開了藥膏和五包藥,

還囑咐我要戒吃牛類和海鮮等發物.

而平時我慣常飲用的鮮奶和豆漿, 

則仍然可喝.

復活節快樂

4月20日  星期日  晴天

四月出生的我, 

從來不喜歡復活節, 

小時候在這長假期總會生一場大病, 

水豆出疹什麼什麼的, 

都是這時期發生...

網誌暫存在dimcook.com

2013年9月8日  星期日  晴天

謝謝黃師奶的資訊,
我已經在dimcook.com作網誌寄存.
在這兒(http://archives.dimcook.com/veritas/articles)就能看到所有文章.

實在很方便呢, 只需一個電郵, 

dimcook.com就馬上幫我搬家了..

方法如下:

我在晚上send個email給dimcook.com,

第二朝已經收到他們的回覆, 還給我一條LINK, 

那就是我yahoo! Blog的寄存地址了.

大家如果唔想麻煩遂頁copy n paste, 

又或者信唔過呀虎的話, 

當一個backup未嘗不可.

不知所謂...

2011年4月6日下午10:37

4月6日  星期三, 晴天

前日隻龍蝦响水面想扒出個魚缸, 扒嚟扒去, 都因為個魚缸太跣而跌返落水...
大少睇到, 就發表佢嘅偉論:
犯咗罪嘅人, 即使今世可以逃過懲罰, 下一世都會好似隻龍蝦咁, 一世俾人困住嘅....

大少呢個諗法唔知啱唔啱, 但的而且確, 見到一D不知所謂嘅人, 咁樣諗, 大概會舒服D....

中介蠱惑招 教孕婦「報細肚」
覷準公院預約漏洞 虛報月事插隊

點解D人為咗錢, 可以唔理別人嘅死活呢?
D大陸人點解死都要落嚟香港生細路呢?
香港真係咁好?!

D中介人真係忽忽地, D大陸大肚婆又真係傻傻地....搵個細路嚟較飛....

點解唔直情好似澳門咁, 一定要父母都係香港人先可以有香港居留權喎!

我讀小學嘅時候, 正值越南難民潮, 果時d公園, 坐滿晒越南人, 因為當時嘅政策, 基於人道立場, 係容許佢地日頭離開難民營... 我呀媽就唔帶我地去公園玩, 怕危險...

當時我已經諗, 點解我地係香港人, 要讓人地用我地嘅野....

到而家, 點解D人咁無品, 用咁卑鄙嘅手段嚟爭床位呀....

以前做補習社, 我會同自己講, 要一視同仁, 唔好厚此薄彼, 歧視D新移民兒童. 但而家可能有咗兔寶寶, 真係驚自己個細路吃虧, 唔知幾時開始, 我好憎D大陸孕婦...或者係憎佢地無知....

作為一個小市民, 我只能夠望, D無良嘅中介人, 下一世做一隻龍蝦吧!! 咁樣諗會無咁勞氣....

************************************************************************

Photoscape教學---山寨版

2011年7月25日下午2:05

最近不斷有朋友同網友問及我點樣响blog中响一個相框中顯示幾幅唔同size嘅相, 同埋點樣做成長條形菲林...

我係用PhotoScape整嫁!! PhotoScape可以响網上免費download, 等我詳細D講吓點樣做啦!!

A. 整一格格細相.

Step 1. 
Download PhotoScape

Step 2.
Click 入"板型" 果一頁.

Step 3:
响右手面用mouse選取所需要嘅板型.

Step 4.
簡好喜愛的板型後, 直接click入去, 就會出現另一個畫面俾你upload D相了.
你亦可以响左手面將所需圖片拉過去D格仔度.

Step 5.
i ) 不加相框或其他裝飾------->  按"儲存" 便可.

ii ) 加相框 --------> 按"切換到相片維修"
     (兔寶寶做model喇!!)
 

Step 6.
响下面"主要功能"一頁, 選你喜愛的相框.

Step 7.
click入下面"裝飾"一頁便可為圖片加入文字和其他圖案.

Step 8.
按"儲存". 完成喇!!

我對PhotoScape都不過係初步了解階段, 市面有唔同嘅software同樣可以做到以上效果.
由於係我自己盲摸摸去摸索, 唔知道步驟同次序啱唔啱, 同埋係咪最快捷嘅做法.

我自己幫兔寶寶影得太多相, 張張都想擺上個blog度, 但一來upload嘅時間好長, 二來係下下拉落嚟睇好麻煩, 用咗呢個方法後個blog就清簡好多了.

篇幅所限, 下次再講點樣整長條型相, 我個blog上面條banner都係用呢個方法整嫁!!

肉隨砧板上

2011年7月30日上午9:19

7月30日  星期六  晴

呢篇網誌本來一早想寫, 點知尋晚兔寶寶係咁扭計, 唔抱就喊;
再加上我又再次有乳腺閉塞嘅問題, 成晚唔係泵就係咁用手唧,
兔寶寶又唔肯吸喎!
要等佢瞓咗夾硬塞入去俾佢啜,
攪掂時已經零晨兩點幾,
連"真相"都睇唔倒...
隻手長時間hold住個奶泵攪到肩膊勁痛...

言歸正傳.
呀虎今次真係玩野!!!
睇過新版本有咩轉變, 只能夠講,
根本唔係upgrade, 係downgrade呀!!

新版本個look核突唔在講吖~
你可以話我睇唔慣姐...
但D "分唇"唔好轉得咁離譜嘛!!
自訂欄位果D無咗!
"Blog友"同"訂閱"嘅人合拼, 但我想分開喎!
平時我會睇嘅"昨日人次"同"今日瀏覽"呢D統計資料都無埋!!
最重要嘅係, 平時好多我睇開嘅網誌,
有D有好多人回應, 宜我係果D只要你公開俾我睇, 我就咩都會睇嘅人,
我連人地D回應同埋個blogger D 回覆都會睇晒...
但係新版本就要我click嚟click去先至可以睇
(佢會將D回應分好多頁, 懶係清簡咁~)

同埋, 宜家睇人地D blog,
未click入去睇詳細內容, 就咁睇每篇文章嘅標題同簡要前,
都會有幅相架嘛!
而家無咗LAW!!!!

我唔介意你要我執過D個人資料, 背景標題呢D野,
都係side小小時間姐...
但我好介意呢隻老虎同人講upgrade,
其實係downgrade囉!!!!!!!!!!!!!
係強烈不滿!!!!

雖然我寫blog嘅年資係好短,
開blog只係好幾個月嘅事,
但我相信每個blogger都一樣,
寫blog睇blog巡blog已經成為生活嘅一部份;
被迫"升級" ,
我只感受到無可奈何.....

兔寶寶尋日全日黑口黑面, 點氹都唔笑,
唔通佢又俾老虎"蝦"??

呀虎BLOG有感

9月1日  星期日 晴天

大家近日最關心嘅, 當然係呀虎關blog啦!
其實我有少少預咗,
因為差不多一年前我用yahoo!嘅email係short short 地嘅,
十日八日左右先會放一次mail, 真係等佢救命就C得!
再加上免費嘅野大多都唔會長久,
所以收到消息, 都唔係太驚嚇,
只係個心有點戚戚然, 以後...會不會和一班腦友仔各散東西....

以我個人工作經驗所知,
將D資料由一個系統搬去另一個系統唔係太困難,
所以"輕鬆搬家"呢樣野都唔需要太擔心嘅.
反而最重要係要考慮搬去邊度會無咁快玩完,
同埋一眾blog友大多轉去邊個平台,
咁將來互相探訪都容易D!
難唔難用都係其次, 花D時間一定可以適應的.

我覺得, blog友就好似一班响同一間酒樓飲茶嘅茶客,
本來你唔識我我唔識你,
但習慣咗, 就每日(或定時定侯)都要"搭吓嗲"先舒服.
宜家間酒樓話要執囉, 咁咪睇下再去邊度吹水囉...
只要响執笠之前講聲會去邊度"打等",
我一定會去探你地架!

環保洗面膏。磨砂膏

8月27日  星期二  晴天

早前有報導說磨砂膏所含的微粒嚴重污嚴海洋環境,
事實上凡是有泡的清潔劑都是對海洋生物有害的.
雖然我未致於運用廚餘去製造環保洗頭水、淋浴露等,
但都盡點點力去支持環保.
簡單如用水溝稀點洗髮水和淋浴露,  比未溝稀的更易產生大量泡沫.
洗頭水其實用點點就夠了, 可是我們(尤其是男仕)都習慣泵一兩下,
為的是營造大量泡沬的那個感覺吧!
經過稀釋的洗頭水, 一支可以當兩支用, 省錢也環保.
洗澡時用海棉代替掌心塗抹, 也能省下不少淋浴露.

至於洗面方面, 近期用麥皮打碎來代替洗面膏和磨砂膏,
每天早上使用(因為早上不用卸防曬).
效果很好, 洗完後是前所未有的乾淨和幼滑,
連大少都覺得洗完後很乾淨.
有幾天天陰沒有化妝又無搽防曬, 晚上也用之洗臉,
也沒有爆瘡或起粒粒.

方法是把幾湯匙麥皮用攪拌機打碎,
每次用大概半茶匙左右(用量視乎面孔大小啦!),
放在一個小碗裡.
加少少水(大概和麥皮同量), 攪勻.
用手指去感覺, 分成麥皮水和麥皮渣兩部份,
臉頰和眼部就用手指點些麥皮水清洗(事前不用弄濕手和面),
下巴和T-zone位就可以倒埋D渣來洗, 當磨砂膏咁用,
之後再清洗.
這個方法是在討論區上看到的,
"絲打"們教的是用麥皮(不磨粉),
試過後我就覺得感覺較為粗糙, 也刺激皮膚;
加上洗完後清理洗臉盤很麻煩, 又怕麥皮體積大會塞住水渠.
磨成粉末才使用就沒有以上的問題了.
又試過用麥皮粉加爽膚水當mask, 效果比用paper mask還要好.

我不是環保的狂熱份子,
在炎炎夏天日只開風扇不開冷氣肯定是辦不到的,
但這些舉手之勞卻對環境好, 對荷包也好.

ASMR介紹

7月9日  星期二  晴天

我算是能吃, 卻不太能睡的人.
小時候已經會失眠.
告訴母親睡不著, 她只是拋下一句:"細路仔邊會瞓唔著"....
漸漸就習慣了睡不著都躺在床上發呆.
到長大以後, 有了自主權,
加上功課壓力愈來愈大,
失眠(又或者睡得少)對我來說是件好事,
有更多的時間幫人補習, 留待晚上才溫功課.

到出來社會做事, 就開始承受失眠的惡果.
每當躺在床上, 日間的煩惱就湧上腦海來,
愈想睡就愈睡不著.
情況愈來愈壞, 常常持續數天也不能好好睡上一小時.
身體愈是累就愈睡不著.
有段時間看醫生吃安眠藥, 也有段時間依賴酒精去換來好好一眠,
結果當然有無窮的副作用了.

後來我發現自己睡得最舒服的,
竟然是在美容院的床上.
很多時在面部按摩的那一部份睡著了.
於是在You tube搜尋一些facial massage的video,
初時看某些影片都能幫助入眠,
但始終是女性, 有時會被這些美容影片反引得精神起來.

數月前無意間發現you tube有些"ASMR"的影片.
通常是一個女生在螢幕前幫你做facial, 又或者是幫你化妝扮靚,
配合起她們輕柔的聲調很是舒服,
可令人暫時放下日間煩惱, 令人放鬆.
(未必是煩惱, 總之我就是臨睡前不自覺地想東想西的,
可能想想明天午餐吃什麼, 也可以想一整晚)
只要加少少想像力, 很容易進入夢鄉.

ASMR是什麼呢?!
上網wiki一下, 大概就是透過一些視覺、聽覺、嗅覺和一些認知的感官刺激,
去令人放鬆.
簡單些就如有些人聽到海浪聲、風聲、雨滴聲會特別渴睡,
又或者聽到催眠曲會容易些入睡一樣.
但我們對睡的認知不只這樣少的,
就以自己為例, 當我看見別人一筆一劃地遂個字寫出來時、
又或者在美容院、在salon別人幫我剪髮時,
都特別渴睡.
有一個群組就在you tube發佈一些role-play的片段,
幫助別人在入睡前放鬆.
初時我熄燈躲在被窩裡塞上耳筒看一兩條片就睡了,
後來有報導說黑暗中看螢光幕會致盲,
我就乾脆揀些只是聲音的, 他們製造的現場效果很好,
也未必一定要看著螢光幕.

我想這些在外國很流行吧?!
幾乎所有影片都是英語的(也有韓語, 基於有些人聽到韓語就想睡覺)
遺憾是沒有廣東話版.
在You tube中搜尋"ASMR",
就可以看到各式形式的角色扮演影片,
只要代入其中, 很難不放鬆.
如果覺得自己很難投入角色,
也有一些只是製造一些視覺/聽覺效果的影片.
長篇大論打這篇出來,
不是要攪什麼ASMR(希望大家看完不要睡著吧!),
只是實在領教過失眠的壞處太多,
既然有這個方法, 很想將它發揚光大,
即使對失眠者無效, 也至少無害.
不過呢, 什麼方法都好,
看過一句說話, 覺得很正確: "熟睡是對勞動者的獎賞，失眠是對懶惰者的處罰",
如果白天動也不動, 晚上也很難睡得香甜了.

 

夫妻相處之道

1月22日  星期二  晴天

今日想同大家分享段片,
十分適合已婚人仕收看.
我同大少臨瞓前一起看, 彼此發出回心的微笑.
我也從新檢討了對大少的態度.

未結婚的, 當一段楝篤笑來看吧,
都很好笑的.

可能有人看過了, 都不打緊,
再看多遍吧!

呀虎BLOG有感

9月1日  星期日 晴天

大家近日最關心嘅, 當然係呀虎關blog啦!
其實我有少少預咗,
因為差不多一年前我用yahoo!嘅email係short short 地嘅,
十日八日左右先會放一次mail, 真係等佢救命就C得!
再加上免費嘅野大多都唔會長久,
所以收到消息, 都唔係太驚嚇,
只係個心有點戚戚然, 以後...會不會和一班腦友仔各散東西....

以我個人工作經驗所知,
將D資料由一個系統搬去另一個系統唔係太困難,
所以"輕鬆搬家"呢樣野都唔需要太擔心嘅.
反而最重要係要考慮搬去邊度會無咁快玩完,
同埋一眾blog友大多轉去邊個平台,
咁將來互相探訪都容易D!
難唔難用都係其次, 花D時間一定可以適應的.

我覺得, blog友就好似一班响同一間酒樓飲茶嘅茶客,
本來你唔識我我唔識你,
但習慣咗, 就每日(或定時定侯)都要"搭吓嗲"先舒服.
宜家間酒樓話要執囉, 咁咪睇下再去邊度吹水囉...
只要响執笠之前講聲會去邊度"打等",
我一定會去探你地架!