呀虎BLOG有感

9月1日  星期日 晴天

大家近日最關心嘅, 當然係呀虎關blog啦!
其實我有少少預咗,
因為差不多一年前我用yahoo!嘅email係short short 地嘅,
十日八日左右先會放一次mail, 真係等佢救命就C得!
再加上免費嘅野大多都唔會長久,
所以收到消息, 都唔係太驚嚇,
只係個心有點戚戚然, 以後...會不會和一班腦友仔各散東西....

以我個人工作經驗所知,
將D資料由一個系統搬去另一個系統唔係太困難,
所以"輕鬆搬家"呢樣野都唔需要太擔心嘅.
反而最重要係要考慮搬去邊度會無咁快玩完,
同埋一眾blog友大多轉去邊個平台,
咁將來互相探訪都容易D!
難唔難用都係其次, 花D時間一定可以適應的.

我覺得, blog友就好似一班响同一間酒樓飲茶嘅茶客,
本來你唔識我我唔識你,
但習慣咗, 就每日(或定時定侯)都要"搭吓嗲"先舒服.
宜家間酒樓話要執囉, 咁咪睇下再去邊度吹水囉...
只要响執笠之前講聲會去邊度"打等",
我一定會去探你地架!