有輸有贏

11月21日  星期一  涼

今日係小一「自行分配學位」放榜的日子...

而作為人地呀媽....尋晚無瞓唔著無唔安唔樂...

係因為我完全唔記得!😜😝😝

到今朝刷完牙先醒起.

全程零唔安樂,

所以有時善忘都係好事嚟架...

個結果係...梗係唔中喇!

不過因為無咩期望, 都唔太失望.

唯有寄望「統一派位」大抽獎抽中啦~~

有件開心事想share一下, 

上星期六兔寶寶去咗參加全港英文歌唱比賽-東區及灣仔區選拔賽, 

佢果組贏咗金獎, 有份參加嚟緊一月嘅總決賽!

兔寶寶仲好幸運被選中做代表領獎!

   

佢性格都比較怕羞, 有一排我仲覺得佢將"怕羞"當成自己優點!

好怕佢自己標籤咗自己, 大條道理"怕羞"成內向.

於是我就不停貫輸佢一D意識, 

例如: 公主都係好友善, 唔怕羞, 好勇敢的

香港小姐要走上台都要好有勇氣...

又要求佢買野幫手俾錢同向店員查詢等等...🙆

兔小姐肯嘗試呢, 係因為人地係大姐姐嘛~~~

漸漸我覺得佢有D進步了😂

呢次由上台都落台, 俾好多家長包圍住, 

都好有笑容呀~~

全班同學都好開心, 辛苦咗成日, 

夜晚同D同學去食壽司~~