發雞盲

11月15日  星期二  晴天

兔寶寶小姐是一位喜愛發問的小朋友.

有陣時佢係响唔知邊度, 聽咗一D佢唔明白嘅字眼, 

佢返嚟就會問我點解.

例如有一次有人問我, 乜野係雞泡丸?

我想一想之後, 就問佢係咪雞泡魚呀?

呀有人話唔係, 係雞泡丸, 而唔係雞泡魚.

於是我就上網search俾佢睇, 呢個世上只有雞泡魚, 

又或者魚丸牛丸龍蝦丸, 

而係沒有雞泡丸的... 因為雞泡魚係有毒的, 係唔會用來做魚蛋的.

談話間引申到去.....雞泡魚可以用來形容人地鼓起泡鰓...

又例如, 有一次呀婆帶我地去搭西鐵, 

有人指著地下的盲人輔助線, 好奇地問: 點解地下會有條路係凹凹凸凸嘅呢?

作為一個後現代媽媽, 我也會盡我能力去回答. 

答小朋友問題, 不可以不上心....

話說, 隔了一天, 當我洗碗時.....

我: 兔寶寶你個杯响邊度呀, 拎嚟俾我洗埋佢吖~

睇清楚小小, 原來隻杯係我眼前...

我(自言自語) : 哎呀, 媽咪發雞盲呀!                      

兔: 咁你就快要行果條路喇....

我: 咩果條路?!! 👻👻👻

兔: 呢, 港鐵入面果條呀!

我: 😒