蒼海雜記

2015年4月17日  星期五  晴天

四月中期, 

大家都開始著短袖衫吧?!

睇返下面幅相, 

就知點解呢篇叫蒼海雜記.

下圖為兔寶寶在假期裡到呀婆家短住時,

每天的活動之一....到遊樂場玩~

兔寶寶好鍾意去呀婆屋企住, 

唔會掛住大少同我架!

好多時我打電話去, 佢連電話都唔想聽....

好食好住嘛~

邪惡樣 v.s. 扮可愛..

佢扮完可愛, 

輪到兩母女一齊扮獅子!

*******************************

呢篇雜得不能雜..

在相堆裡找到一碗拉麵照...

想起某天老細請了我們去吃拉麵,

平時佢都係請飲茶多..

午市時份每位百幾蚊的拉麵, 

在觀塘區, 我一定不會吃, 特此記之.

*******************************

D相咁雜係因為有D係save咗响whatsapp..

上月運動會後去了九龍灣的IKEA玩.

難忘去到德福時兔小姐忽然睡魔上身, 

而我又懵懵下唔知排shuttle bus條隊要排咁耐...

(因為之前同大少都係平日去..)

抱住兔寶寶, 身上再加一個大背囊, 

極度期望快D有車, 又不甘心排咗咁耐走去搭的士..

那感覺極度難忘, 特此記之.

下次再有機會去, 

可能兔寶寶的身高已不能進入IKEA的兒童樂園玩了.

兩母女, LUNCH可以食咁多,

玩完再要買一包大爆谷吃...

*************************************

上月尾和大少去了吃Classified, 

之前見Groupon有團購買優惠卷, 

埋單差不多有六折, 好抵..

就是這個焗芝士吸引了我去吃的.

完整一個芝士焗至半溶狀態, 

用來塗多士或空口吃, 想起都再次流口水..

但是夜叫錯野, 

叫得太多麵包和芝士類的食物.

這個芝士開面三文治, 

味道就同上面碟焗芝士差不多, 

比較之下就不太吸引了.

為大少而叫的牛扒,

對我來講, 最好吃是伴碟的薯仔.

***********************************

兔寶寶好勤力架, 

病咗都依然要去跳芭蕾舞!

參加了恆常班, 就等如洗濕了頭,

除了要買正式的舞蹈衫褲鞋襪,

每月要再多一筆支出

窮媽媽真係要再俾心機D返工了~

跳完舞又搭船過海...

玩具反斗城...真係小朋友嘅開心天地!

呢一日我先知, 原來兔寶寶已經識踏單車!

小朋友一返學真係學多好多野!

當然係四個轆啦!

之前帶佢去踏, 佢連三輪車都踏唔郁!

我亦有問過佢返學校有無試下踏單車, 

佢話無, 因為佢鍾意玩SIR滑梯多D~

***********************************

又一個星期三, 大少放假.

佢有時都肯早少少去接兔寶寶, 帶佢去公園玩下嘅.

呢日我都早少少放工, 同埋兔寶寶哥哥, 

四個人去咗維園玩.

兔寶寶同我影相, 唔肯望鏡頭!

同爸爸就玩到癲!

佢好識分星期三呢日, 係大少帶佢玩嘅機會大D架!

而一星期佢亦係呢一日最痴大少嘅...

********************************************

兔寶寶在復活節雖然都是同大人一樣, 

只係放紅日, 

但因為我同大少要拜爺爺個新山, 

所以都放低咗呀B响婆婆度住兩日...

而呢兩日, 亦係這四年半來兔寶寶不在我身邊, 

而我又"自由自在"的...

****************************************************

四月十日, 兔寶寶幼稚園生日會.

呢個月少人生日, 只有兩位小主角.

原來少人生日的月份要買大D個蛋糕, 

每位家長要買一個兩磅的, 

才夠三十三名同學仔每人吃少許...

一早想了買什麼蛋糕, 

到最後不得不妥協, 要搵在上班前可以俾我去拎蛋糕的店,

只有在學校附近的連鎖店.

最近係聖安娜, 俾D公仔蛋糕兔寶寶選,

呀B又想要鬆弛熊, 又想要Snoopy,

最後每樣要了一個一磅的,

反正呀B咁鍾意吹爉燭, 就俾佢吹多個啦.

而且一個朱古力牌只可以寫十二個中文字, 

分開兩個蛋糕, 兩塊朱古力牌, 

寫多D字, 祝福又多D..

一個寫"爸爸上", 一個寫"媽媽上"....

生日果位同學仔要預備埋禮物, 

送俾唔係生日果D, 皆大歡喜.

一早同同事夾定淘寶, 

但太多野早, 推下一天又一天, 

最後在商店買了些間尺鉛筆貼紙餅乾, 

自己組裝成禮物包~

正日在星期二, 

提前在四月七日, 還是紅日那天買個蛋糕回來慶祝了.

這天我還親自下廚煮了一餐, 

相片在另一相機中, 

下次再寫..