新春大吉

2月25日  星期三  陰天

恭喜發財, 

祝大家羊年進步, 身體健康,

萬事如意, 心想事成!!!

年三十當晚, 去了大坑吃意大利菜.

六點多就去, 時間早, 

沒太多人.

現在習慣了中國節日吃西餐, 

西方節日吃唐餐, 

唔洗同人爭...

這裡的pizza夠薄脆, 好吃~

飯後甜品, 

兔寶寶第一次吃tiramisu, 

以為佢唔LIKE咖啡味, 點知佢不單吃得出咖啡,

還喜歡到整件蛋糕吃光光~

飯後再同大少行多次年宵, 

年三十的維園, 很多檔口都大減價, 

比起對上一次情人節去行平了許多.

我也忍不住買了隻大咕O臣.

*********************

年初一, 今年同奶奶同住, 

起身第一件事就係同佢拜年. 

之後佢就飛了外地玩了.

跟著我們照慣例,  入屯門去吃晚飯.

年初二, 大少車了我和兔寶寶到車公廟.

因為人多車多, 找不到位置泊車,

本來打算由我做代表入廟拜神.

點知兔寶寶以為我去玩(因為我拎了舊年的風車去化寶), 

唔肯跟大少.

於是我只好"的"埋呀B一齊迫入車公廟.

幸好呀B算幾"實淨"又捱得, 

俾D人迫到沙甸魚咁, 俾D煙攻到標晒眼水都無投訴,

勇往直前, 

我地兩母女先可以做齊晒咁多野...

拜完神, 當晚約了婆婆果邊的親戚在九龍吃飯, 

未夠鐘, 帶了兔寶寶去九龍公園玩一會.

春節幾日假, 加上奶奶不在家, 

我和兔寶寶都博晒曚, 

瞓到晏一晏先起身~

年初四又入屯門, 

留下兔寶寶給公公婆婆照顧..

皆因連初五我就要開工大吉了~