週日的一天

6月1日  星期日  晴天

因為生熱痱嘅關係, 

昨晚痕醒之後, 要等第二朝天光先瞓得返.

今日朝早兔寶寶點拍我都起唔到身!!

佢有話我知肚餓架!

我剩係叫佢去隔離房搵爸爸~

(因為瞓唔著, 叫咗大少去同兔寶寶瞓)

都算大少識做, 

肯早D起身同個女去飲茶.

一路瞓到下午兩點, 

聽到有人拍門先識醒, 原來呀婆已經嚟咗!

於是我地一齊JOIN埋大少去飲茶~

據大少講兔寶寶已經食飽咗, 

但我地嚟到佢都仲食到好多野!

飲完茶行去街市買餸, 

天氣熱, 呀婆怕我D熱痱會痕上加痕, 

叫我返屋企沖涼先, 

佢就帶兔寶寶去咗動漫機地玩.

而我亦响佢地玩時準備咗灼菜同雜米粥做晚餐, 

等兩婆孫返嚟有得食.

舅父亦去開街上一上嚟坐..

呀婆食完野, 坐多陣就自己返屋企了, 

臨走前呀B吻別婆婆.

有段小插曲, 

大少帶兔寶寶去飲茶時怕自己攪唔掂個女去廁所, 

幫佢著返條片..

到呀婆帶佢去玩時佢中途都有話要去, 

但又唔肯去(宜家佢肯去大人廁所, 即使無BB廁所板都好, 但無媽咪陪就可能怕生保)

 由十二點玩到六點回家, 

掛住同舅父玩都忘了去廁所, 

到七點鐘佢話要去VV時, 

我才發現佢條片係無濕過的!

成七個小時, 仲要中途不停飲水!

 要讚佢忍得之餘, 

真係怕佢忍到膀胱有事!!

**********************

舅父拎埋上次呀婆响屯門買的水壺過來, 

洗開碗就洗埋佢, 俾呀B用吓. 

兔寶寶見新C坑就拎到實一實~

自己摷返隻公主紙杯成為一套, 

十分得戚.