中秋長假

2015年9月29日  星期二  晴天

兔寶寶成個中秋假都係咳住過的, 

有兩晚仲瞓瞓下咳到嘔!

好彩唔洗返工, 於是兩母女一齊瞓到大中午先起身~~

雖然係有D咳, 見佢精神都唔錯, 

星期六中午照俾佢返芭蕾舞課...

原本預約了在跳舞後約兩點去中旅社兩母女一齊續領回鄉証的, 

但去到先發現無帶兔寶寶張出世紙!

職員話可以在四點前後補, 又或者只做我果張, 

但費事趕頭趕命, 本來時間較得啱啱好, 

現在變了可以悠悠閒咁慢慢搭車入屯門做節.

大時大節, 呀公提議唔好去酒樓, 

去佢地平時開飯嘅茶餐廳, 

佢地成日都話呢間野好過好多酒樓.

哈, 又真係喎!

 茶餐廳都有龍疐同蒜蓉開邊蒸蝦!

仲有燒腩仔同南乳吊燒雞~

呢度係以賣燒味做賣點的, 

例湯加入燒味的下欄一齊煲, 

夠晒味!

呢餐大魚大肉, 埋單都係四百幾蚊!

食完飯, 去咗屯門市公園玩燈籠.

吖...應該話玩吹bubbles至真.

呢晚下過雨, 本來無乜人, 

係我地走果時約九點幾先叫有返少少人.

烏雲之中都俾我地見到月光光~~

玩完一餐, 意猶未盡, 

去埋"甜牙牙"食甜品先罷休.

不過呀B咳到連雪糕都唔多願食!

益晒我同呀媽....^^

*****************************

舅父本來叫我地留一晚先走, 

但我怕兔寶寶病會瞓得唔好, 

加上第二天約了時間做facial, 當晚漏夜走了.

第二日瞓醒攪完D正經野, 

返屋企同呀B做功課, 一做就兩個鐘!

晚上返了奶奶家吃飯, 

吃完我就帶兔寶寶行維園花燈會, 

我都係第一次正日行呢!

所以有小朋友真係多好多生活體驗!

睇花燈不是最主要目的, 

次行呀B玩得最開心的, 

是彈那些發光的"膠蜻蜓".

玩到呢....這個中秋出晒汗...

 

 

玩完一輪...仲要行埋超市先返家..

到假期最後一天, 終於捱不住, 

要去看醫生了...