順德彿山兩天團

4月28日  星期一 晴天

早上九點要在深圳灣集合, 

我地預埋食早餐加過關時間, 

六點多就要兔寶寶起身了.

一臉倦容的她見到呀婆竟然霸住個位唔讓坐...

上巴士, 有野食時就精神嘅, 

一無野食就開始瞓LU~

中途停了車一次去廁所, 

個廁所真係, 果陣味到現在還留在腦海裡...

而停車站旁嘅生果檔亦搶錢咁搶, 

八蚊斤香蕉, 一斤只得兩隻;

三個椰王都要三十六蚊人仔.

咁嘅情況下, 唯有無幫襯~

好快去到第一站順德, 

 吃黃媽媽私房菜.

好多釀乜釀物食, 不過就麻麻地好食,

自己整可能仲要好食D..

人多, 嚟唔切仲張影相.

呀B見我影相, 

第一時間撩鼻, 

再影嘛?! 就鬆人~

食完私房菜, 在門口集口, 

去另一個景點, 

話係唔知無線邊套電視劇嘅拍攝地<領南小周莊>,

原來係一條橋...

行到去已經夠鐘, 大家快快手影張相走人...

第二站, 去順德黃大仙...

唔見有來拜神的人, 只有遊客,

似係起來做景點多D..

雖則係咁, 呀婆仍然俾錢兔寶寶添香油, 

仲有風車轉下~

用過呢D水洗手就百病能醫喎~

不過我就响樹整濕咗對鞋..

食晚餐前, 仲有一個景點, 

寫話唔知咩廣場..

點知個司機就好似求其搵條街放低我地, 

俾廿多分鐘時間行吓又上返車咁.

我寧願佢搵個好少少嘅廁所俾我地落車好過!

好不容易在某商場搵到廁所, 

就在門外噴水池影幅相留念~

晚餐吃海陸空大盆魚宴, 

有蝦有雞有蜆同一大條魚共冶一爐,

條魚真係好大條, 食極都食唔晒, 

不過就麻麻地啱我地食.

呀B就精喇, 扒白飯!

 

 食完晚飯都未夠六點, 

就車返酒店了.

沿途經過都見好多養魚場和海鮮批發, 

可見呢區都係做養魚多~

返酒店稍作梳洗, 

又在舅父房間玩吓吹泡泡打發時間.

到八點鐘, 舅父就帶我同兔寶寶出去睇下有無野啱食.

見D鋪頭好似唔太乾淨咁, 

最後去了超市買吓野, 順便買個杯麵返淥來食好過.

超市附近有遊戲車, 

兔寶寶要玩, 舅父都要玩~

因為一早就起身, 

兔寶寶連杯麵都唔食, 

一回房間就刷牙洗臉瞓覺LU~~