赤柱泳灘玩水水 + 越盞晚飯

8月15日  星期五  晴天

上週未待兔寶寶上完最後一堂芭蕾舞課, 

我們約了婆婆和舅父, 

趕往沙灘去.

同呀媽傾多兩傾, 

才發現兔寶寶在車上睡著了.

於是齊齊扮瞓覺..

薑是愈老的愈辣, 

真係瞓著果個, 都無我地扮得咁逼真.

一開始踏入沙地, 

兔寶寶就騰晒雞!

唔肯行多一步, 坐要坐在席中心.

左氹右氹先肯玩下沙...

C都唔肯俾人幫佢換泳衣, 

慌C人地賣佢豬仔咁.

話時話, 現在去游水, 

幾乎是沒有人穿泳衣的,

男的穿波褲, 女的不是比基尼, 

就是T-shirt加波褲, 

我穿一件頭, 真是有點呀婆feel...

(今年)第一次落水無耐即縮沙, 

只係對腳掂下水咋!

之後要返上岸一輪熱身, 

半呃半氹咁, 俾人抱落水...

抱佢落水果個衰人, 就是本人了~

 三個大人長途跋涉來到沙灘, 

我仲要揹住兩大個環保袋出門口(要裝佢跳舞同游水D架餐呢!),

佢竟然由得三個大人眼光光, 

睇住佢响個洗菜兜度玩水就算?!

唔丟佢落水的話我會鄧自己唔抵, 

亦好難去直視呀婆同舅父!

嗱, 兔唔玩水唔撳得兔頭低, 

兔寶寶心入面係好想玩水嘅, 

係差要人丟佢落水果步咋嘛~

睇下, 佢玩得幾開心!

玩到日落黃昏, 都唔捨得返上岸呢!

收咗太陽, 

D水凍咗好多, 想唔走都唔得喇~

玩完水個個都好肚餓, 

等VAN仔坐返去市區食野!

點知我地坐錯車, 去了無乜好食的柴灣, 

唔想諗, 衝入商場就去食第一眼見的越盞!

又餓又渴, 兔寶寶一坐低就狂飲水!

服務員實在太體貼了, 

第一樣上桌的, 是最能醫肚的紅米飯!

十蚊雞一碗都有塊生菜點綴, 

令飢餓的我們更加充滿期待!

第二味是雞翼凍檬, 

正確來說, 是凍雞翼凍檬.

四隻雞翼, 三大一小本是一人一隻, 

我的那隻, 孔融讓梨,

孝敬了親愛的哥哥....   ^^

串燒, 正常入得口.

兔寶寶急不及待把串燒送入口.

炸扎肉餅, 我提議落order的.

試了一塊後, 

很不負責任的, 交給了哥哥~~~

香芧豬扒湯河

幾年前都常在午市幫襯越盞,

記憶中印象不錯.

但果晚我們餓鬼投胎, 

仍覺得不太好吃.

很後悔無走入同商場的美心MX.