行美食展

8月19日  星期二  陰天

昨天是美食展的最後一天, 
我們把握機會, 
與舅父一起前往.
行去會展的天橋上, 人山人海, 
不過場內就比想像中少人.

搬咗同奶奶一齊住之後, 
唔洗煮飯, 少咗好多野買!
就算明明係平, 
買埋返去老人家都未必鍾意..
因此,行咗幾個鐘, 
試食就食咗好多野, 
真係拎返屋企嘅, 只有兩包餅.

在會場內喝了一杯蕃茄汁, 
無加鹽, 很鮮味, 
兔寶寶飲到唔捨得放低隻杯.

兔小姐獨吞了一條台灣腸.

凍奶茶, 免費試飲有小半杯, 
呀B一滴都唔錯過...
可能呢日飲過奶茶, 
結果當晚佢瞓唔著, 
成晚响度同我數佢食過D乜, 
又話自己食咗好多紫菜, 
仲記得食過爆谷! 
對於食嘅野, 佢真係好記性過我!

行行吓, 見到有人拎住D咁嘅野, 
外表很吸引.
雖然條龍好長, 都忍唔住排隊買返塊試下.
排隊嘅十之八九係後生女, 
甚至見到有人食住都仲要排過隊買...

同一參展攤位, 仲有魚仔餅賣.

一排, 就排咗一個鐘頭三個字!
以為好少人, 排落先知條龍打晒蛇餅.
最唔好耐性果個係我, 行咗出去幾次出去附近攤位睇下.
兔寶寶呢, 一面排一面睇下八下, 
無扭過計, 企足全程,
好乖!

排緊隊同舅父玩下打手板娛樂下.

輪到我地喇, 
因為等得太耐, 
連本來唔想買的魚仔餅都無蝕底買埋..
 餅內灌有朱古力醬.

期待了很久的U型雪糕...
外層是無乜味的栗米筒, 
質地偏硬, 即係咬大啖少少會懺到口果D..
士多啤梨味雪糕似沙冰質地, 
水多過奶, 
食完成塊U型餅都不覺很甜很漏, 
以健康為賣點吧!
整魚仔餅的女子、斟雪糕的男子和收錢的都是韓國人, 
我想這雪糕應該在某韓劇出現過, 
才會這麼受年輕一輩歡迎吧!

食完雪糕行落樓下賣月餅果層逛多陣, 
好多攤位已經執野中, 
我地都係時候離去了.

响美食展雖然係食咗唔少野, 
但樣樣細細塊唔飽肚, 實在有必要提早吃晚飯.
舅父約埋舊同學去了灣仔的原汁原味食飯.

三大一小, 叫了一個二人餐, 
再外加一個小菜, 一碗紅米飯.
三個小菜分別是梅菜蒸菜苗、
蒜香骨和馬蹄煎肉餅.

行了半天, 兔寶寶很累了, 
或者俾半杯奶茶郎住個胃, 食唔落...
食完飯, 打算去動漫基地探下姐姐, 
卻忘記了週一是休館的.
搭叮叮返回北角, 兔寶寶在車上睡了一會.
抖夠精神, 
落車經過麥當奴, 又話要入去食薯條..