積分

8月21日  星期四  晴天

近期兔寶寶的主要活動, 

離不開到波波池玩..

在這blog久違的大少, 

亦於上週三現身...

又係上星期三, 

呢日大少放假, 

等食飯時, 三父女齊齊做運動, 

細嘅強身, 大嘅減肥..

實在唔好意思在這段期間, 

開飯前影低奶奶嘅每日自家煮!

其實佢呢排每日都煮好餸去拜祭老爺, 

叫做身心有個寄託.

我地後一輩先叫做放下心.

宜家暑假, 大少放假都要陪仔女, 

到夜深時, 我地兩個就好似做賊咁, 

閃出街去食宵夜.

連續兩個禮拜都係食雞煲.

北角呢頭好少食肆開得夜, 

呢兩餐宵夜各要二百幾蚊, 

仲要大部份食客都係酒鬼...

 希望遲D有機會搵D平靚正嘅!

上星期四, 

三個人去咗富臨下午茶.

呢餐就抵喇, 

埋單只係七十幾!

兔寶寶...玩多過食!

佢在家吃了東西, 

                                 帶埋杯啫喱仔去酒樓食.

很勉強的跟爸爸合照...

飲完茶, 又係波波池, 

真係驚大家睇到悶!

但實際生活又真係咁樣日日如是...

呢日執到個yo-yo..

細路仔貪新鮮, 

掛住玩個yo-yo, 根本就無玩過波波池.

點玩呢?!

就係撓繩, 又放繩...

正確D講, 係我負責撓, 

佢負責丟個搖搖出去果下, 

好玩到呢...

做呀媽嘅實在撓到無晒癮, 

呢日破例, 花了八個金幣, 

俾佢玩射水槍,

贏了四張飛仔出來. 

唔好睇少四張飛仔, 

呢日check下張會員卡, 

原來已累積了七百多分了.

(一張飛仔為一分)