樂與學

8月14日  星期四  晴天

兔寶寶正式上幼稚園之前的幾個月, 

為免她整天在家無所事事, 

也讓本人在一日中有點點清閒時間, 

每天均安排了一節活動給她.

到搬了去北角, 

唔熟地頭, 早午間都不知去那兒好, 

(我相信, 同老人家住, 愈少見面愈少磨擦)

於是在冒險樂園買了張月票,

逢星期一至五, 一有時間就帶她去.

波波池和迷宮, 是兒童的樂園, 

也是大人出盡勞力的地方!

要不是無地方可去, 

我絕不會有恆心日日去玩, 

慘過日日去做GYM...

有時我躲在暗角休息,

睇住兔小姐一個人玩, 都甚有趣味.

呢日佢拎住個波放在耳旁, 

一路行一路自言自語, 

原來佢扮講緊藍芽...

爬高爬低, 

迷宮內行多地方, 大人要彎底腰行.

將來要是駝了背, 

我會告訴兔寶寶: 係因為帶你去迷宮引致的!

平日天天上的Playgroup, 

在今個星期二就完結了.

上了差不多九個月, 睇住佢愈做愈多學生.

很老實, 平時我絕少會教兔寶寶學術上的知識.

上完咁多堂, 睇住佢英文有很明顯的進步, 

 有心情時叫佢做下習作, 

也做得有板有眼, 

做媽媽的很感恩惠, 

不枉我平時唔敢買多件衫, 

留返D錢俾佢交學費了.

臨別前, 老師都有點不捨;

倒是兔寶寶, 似是未意識到是最後一堂.

不過等兔寶寶適應了幼稚園的生活後, 

我也有計劃安排她在週未回去上drama或phonics的.

Playgroup都有畢業相!

週未上芭蕾舞的團購班也上完了, 

大家都明點解我一定要買波波池月票吧!

 

現在只剩下星期五和週日的音樂班, 

也是團購, 拉均幾廿蚊堂, 

唔旨意佢學野, 

叫做帶佢上堂搭吓車, 好似去街街咁~