秋日行山樂

11月21日  星期四  晴天

星期三大少放假, 

本來打算去山頂行吓果條行山徑,

大少就話既然我未去過姻緣石, 可以去行吓咁話~

仲好, 就响屋企附近, 

連車錢都慳番~

大少同兔寶寶一人一袋, 

而我就兩手fing fing, 很是過癮.

經過無數的舊屋、豪宅和學校後, 

便上到去步行徑了.

開始行山前在一油站買了水, 

大少又提議要買包薯片上路,

兔寶寶當然附和啦~

行咗無耐, 就見到有很多松鼠在叢林間跳躍,

兔寶寶大方地把手上的薯片讓出去...

佢應該係好明白到除人類外,

其他動物係唔會吼佢手上嘅食物的.

 請唔到客, 留返自己食啦~

呀B都算好野喇, 成個行程都係佢自己行的,

雖然有叫過攰, 扭大少抱一下, 

但唔洗一分鐘又跳返落地繼續行.

沿途風景, 呢個山唔高, 

又係山腰, 無乜野睇.

除了修路工人外, 沿途都係健碩的跑步人仕多.

 

行行吓有少少微微雨, 唔大.

去到一個亭避雨, 大少忍唔住要拆薯片出來食.

繼續行, 開始要氹吓先肯行喇~

去到另一個亭, 大少又坐低休息吓.

而兔寶寶就玩猜樓梯.

今次嘅行程之前, 

大少睇C我同兔寶寶好快會攰行唔郁.

佢真係睇少我平時帶呀B出街嘅運動量, 

閒閒地一日都行兩個鐘啦! 

就算响屋企都無幾多時間可以坐响度...

反而係佢除咗久不久跑吓步, 平時都係坐响度多,

攰果個係佢呀!

睇下, 兔寶寶雖然話攰話攰, 

但都行到成隻雀咁, 跳吓跳吓~

行到某一站, 拉筋時間.

Err...有人唔多夠高添~

跟住又行呀行, 兔寶寶眼尖, 

俾佢望到山下有個小型遊樂場.

要多級樓梯落去玩, 而且個遊樂場又荒荒蕪蕪咁, 

我睬佢都傻呀~

終於到咗姻緣石喇, 

原來可以拜架喎, 一場來到, 

都拜一拜.

拜完可以行上去一睹呢塊石嘅全貌.

兔寶寶上上吓樓梯唔願行, 要由大少"稱"起~

見到成塊姻緣石, 

就明點解舊時D人會認為拜佢會"早生貴子"了.

我地唔洗再求早生貴子, 

幫吓人緣各樣那樣都好吖~

塊石無乜野睇, 野完相好快落返嚟.

落樓梯更困難, 但兔寶寶都小心地一級一級咁走落嚟,

係大少抱一抱住佢影相咋~

 

大家都有D累, 

行另外一條快速D嘅步行徑落山.

呢條路比上山果條短好多, 也斜得多.

兔寶寶想高速急步行落去, 嚇壞我呀~

行返落皇后大道東, 我地先搵地方食LUNCH~