夏日炎炎消消暑

7月21日  星期六  炎熱

今日好熱呀!!
熱到日頭沖涼, D水唔洗煲都係滾架!
明明我整係開咗凍水!
咁我要洗面咪要加D冰落去?!

尋日整咗個好簡單嘅涼伴茄子俾大少做宵夜.


買咗成四條茄子, 成條蒸熟佢...



熟咗灘凍先撕開做一條條, 太長用廚剪剪短,
連針板都唔洗洗;
仲唔怕茄子發黑添!
之後成盒茄子放入雪櫃...

汁就求求其其喇~
從網上參考做法, 集各家之大成,
我就用咗生抽, 印尼甜豉油, 陳醋, 日本芝麻醬各一湯匙,
蒜四瓣, 七味粉少許同大量蔥+莞茜..

大少超鍾意莞茜蔥, 所以我落多到見唔到醬汁...

食時淋醬汁上面...

平時好鍾意食煎釀茄子嘅大少,
成盒食晒! 仲叫我今晚再整!!

兔寶寶: DADDY你誇唔誇D呀, 食晒4條茄子...


尋日又買咗兩磅龍眼, 一次過meet晒皮去晒核,
等大少食嘅時候啖啖肉!

兩磅龍眼meet咗一盒龍眼肉, 除咗就咁食,
仲可以煮好麥皮後加落去, 連糖都慳返,
又可以整涼粉...

兔寶寶都鍾意食龍眼架!