一蜆兩吃的單人餐

2012年7月25日下午3:54

上個星期响超市買咗包特價蜆肉,
整咗兩碟餸自己吃...

先來一碟"香蔥蜆肉煎蛋餅",


本來諗住加D麵粉落去好似煎薄撐咁煎,
後尾費事煩就咁煎蛋餅就算.
面層多手加咗芝士, 底部就落咗芝士粉,
芝士粉被煎過, 香噴噴呀~

用咗四隻蛋, 大半盒蜆肉, 雪櫃用剩嘅蔥,
一個人每日最多只可以食兩隻蛋,
所以呢碟餸雖然好啱我食,
不過都係忍口食剩半碟响雪櫃呀!

另外果半盒蜆肉用三色椒各半隻加幾條西芹炒,
臨尾覺得唔夠蔬菜(我夜晚食好多菜架!)落多一包金菇...

三色椒中我最喜愛吃黃椒, 其次是紅椒, 青椒其實我麻麻地架咋!
有一次我諗住單買一隻黃椒, 一秤個檔主竟然要收我十三蚊,
吓! 我買一包三色椒都係十五蚊咋啵! (今期D椒平咗, 賣九蚊添咋!),,
咁我都係買一包包嘅三色椒算喇, 最多隻青椒我煮熟D,
咁就無咁澀啦!

兔寶寶都鍾意食三色椒架!