呀公生日入屯門

11月29日  星期五  寒冷

星期二係公公生日,

中午到咗屯門買些簡單食物醫肚就上門拜訪.

呀公話一排無見,

兔寶寶高了很多, 仲叫佢做"高妹"添~

其實唔只高, 仲重咗好多,

呀公抱起佢都好吃力了.

嘻嘻, 仲彩到獅,

証明呀公老當益壯~

响屋企坐咗陣, 

就輪到兔寶寶夢寐以求嘅節目---玩波波池!

至從玩過一次, 佢就發夢都記得, 

任何時候都會同我講去波波池!

屯門卓爾居呢間冒險樂園雖然係細,

但佢D波波係軟身嘅,

無sir落嚟"銀"親嘅危險;

而且俾50蚊, 我地仲...包埋場!!

全場只得兔寶寶一個小朋友,

連個店員都話, 呢個場根本唔係靠做細路仔生意的!

 

講真, 呢條滑梯真係好好玩, 

連我都覺得好跣好刺激, 

睇我擘大個口就知啦~

除咗嗲D媽咪, 呀婆舅父都一齊來玩, 

難怪大少說, 似係兔寶寶生日多過公公生日喇~