11月4日 星期五 涼
話咁快冬天又嚟喇..
呢個天氣令人好好瞓, 又好想食野...
呢幾日有人成日話想去KFC喎...
每一次我聽到呢...就會諗...梗係唔知邊個同學仔同佢講食過人地D炸雞...
KFC呢D又肥又高激素嘅快餐, 我地都好少幫襯,
麥當當就會因為有個玩具而食多幾次.
所以我每聽一次, 就同有人解釋一次...
呢D炸雞快餐又肥又熱氣又無益云云..(下刪一千字)...
尋晚我幫有人補刷牙齒嘅時候,
有人一面含住泡泡, 一面問我: "幾時可以去中文大廈呀?"
"中文大廈?! 中文大學吓嘩?! 你响邊度聽返嚟?!!"
"老師講架...唔係中文大學呀!
係中文大廈...."有人意志堅定的說....
做人呀媽個腦要轉得夠快!
唔洗0.0001秒我就立刻將兩件事聯想埋一齊!
中文大廈同KFC!!!
之後我即刻好懊悔, 係咪我平時帶佢去嘅地方太鄉下,
攪到佢連香港嘅地標..IFC同中銀大廈都講唔清呀?!!
咁你放假咪帶佢去吓囉。
回覆刪除原來係IFC 中銀大廈,我用了0.3分睇睇你們事件才能明白~hehe^^
回覆刪除KFC 既炸雞真係好油, 我都係好耐先會帶女去一次
回覆刪除