深圳野生動物園之旅(一) ----- HEA + 食

2月23日  星期六  晴天

因為買咗張深圳野生動物園 + 一晚酒店嘅團購票,
今個星期一至星期三, 我地上咗大陸呀!
動物園位於深圳南山區, 搭地鐵要轉兩次車,
响大學城站落.
同我地平時去開嘅羅湖呀、東門相比,
呢度鄉村得多呢, 而且我地幾乎見唔倒有香港人!
從地鐵站影出去, 仲見到有田呢!



團購有分單買動物園入場票同跟埋酒店兩種,
跟埋酒店就多多百零二百蚊.
大少問我買埋酒店飛做乜?!
我隨口話反正兔寶寶未住過酒店,
平平地咪俾佢住吓玩吓瞓吓囉...
點知一語成讖,
本來打算check-in之後搵地方行吓按吓摩的,
但呢樹實在太荒蕪了,
加上大陸仲放緊新年假, 基本上無野好行,
除了出外搵野食, 就係返酒店瞓覺!

房間外望住一個大球場, 同埋一座疑似是大學的建築物.

Check-in 之後搵地方吃午飯,
去了一間小飯館.
這裡的食肆不會有一些港式的菜吃,
很多都是辣的, 很困難才找到一兩味不辣的菜吃.
這碟鐵板牛肉, 辣的,
很咸也很油.

大頭魚鍋, 落單時說明"走辣",
來到時也是辣的...
幸好D骨大大條, 細骨不多,
魚肉很滑, 幾好食.

清炒薯絲, 只有這碟不辣..

兔寶寶也就只有這碟吃了.

之後我地分兩部"摩樂車"去找按摩店,
司機替我們找到了一間, 可惜價錢很貴,
按一小時的腳要百多塊人仔,
咁返香港按都得啦!
跟住我地乘的士返回酒店休息一會,
無野好做, 六點幾再出去找吃的...

前菜...

兔寶寶一入酒樓就睡著了..

上湯豆苗..
大少想話叫多碟炒的,
店員卻說這個只有上湯浸,
沒有炒的..

呢碟一條條啡色的, 佢話係魔芋,
我就覺得似粉皮多些, 這個又是辣的.

尖椒牛肉, 唔洗講, 又係辣的..

清炒薯絲,
話明清炒, 好地地又要加D辣椒落去,
好似唔加辣椒會C咁...

炸南瓜餅,
叫個甜的, 唔會加辣椒喇掛?!

涼伴豆腐, 我都係睇到相無辣椒先敢叫...

好似好多碟, 其實好多都係唔食得的配料,
不是很多架咋!

吃到尾聲, 兔寶寶醒了,
一醒就扭計, 因為無冷氣, 好熱, 要除衫.
呢兩餐呀B都食得很少, 唔啱胃口呀!

返到酒店大少就瞓覺了,
其實我都好眼瞓, 不過兔寶寶在陌生地方覺得很新鮮,
不很睡覺, 零晨十二點有D肚餓,
襯大少起身去廁所就叫佢出去走走搵宵夜吃.

呢頭無乜鋪頭開咁夜架!
無乜夜生活,
大少仲衰衰咁話行咁耐都唔見有後生女就知呢度無人包二奶喎!
行遠些少有一間好似大排檔的食肆, 就走入去吃.
前菜又是花生和涼伴海帶.

干鍋黃骨魚, D魚煎得香香的,
幾好食, 不過又係辣的...

呢碟松仁玉米, 雖然炒得很油,
但是不辣, 啱兔寶寶吃, 佢食咗好多呀!

金菇玉子豆腐煲, 呢碟都唔辣,
但不好吃.

炒薯絲, 叫佢少油,
但見到碟底D油, 佢用嘅油絕對不會比炸薯條少.

呢度食野比深圳市區便宜.

最後仲叫咗一碟炒米粉,
又係油淋淋的.

食飽飽, 返到酒店兔寶寶仲未捨得瞓呀!
兩個大人熄晒燈瞓晒佢仲响我地之間跳來跳去...