心意餐廳晚餐

2月22日  星期五  寒冷

續: 與舅父悠閒半日遊

去完圖書館, 我地就返屋企擺底D野,
順便攞返件外套, 再去搵地方食晚餐喇!

本來打算去食喇沙,
不過好多人, 於是就改去我家附近的西餐廳.
剛搬嚟呢度果時响openrice嘅地圖度搵過呢頭有乜好食,
見呢間餐廳嘅評語都不錯, 又不是很貴,
想試好耐喇, 但我都係第一次去,
因為大少麻麻地鍾意食西餐...

我要F餐, 肉眼配牛肝菌牛油;
舅父要是日精選, 燴羊膝.
餐湯, 紅白湯每樣一款.
白湯係薯蓉煙肉忌廉湯, 紅湯係雜菜湯.

餐包三個,
其中一個係蕃茄香草包.

散叫了一個凱撒沙律.

舅父的燴羊膝, $17X.

舅父話有羊味得來又唔騷,
幾好食架, 因為佢炆得好淋,
所以我都俾兔寶寶食咗好多.
雖然我唔食羊姐, 我都唔想兔寶寶因為我唔食而無機會食.
所以一有機會, 我都會叫同桌的人叫羊叫豬叫鵝叫鴿吃,
好等兔寶寶乜都食吓.

我的肉眼扒,
咪睇佢顏色唔太靚,
其實好有牛肉味, 六成熟剛剛好,
配埋牛乾菌牛油很好食.

兔寶寶食到好興奮.

一路食一路同舅父玩到癲晒...

餐後仲有甜品, 忘記了是什麼果仁焦糖梳乎厘.

睇見兔寶寶食得咁開心,
連餐廳經理都笑了, 還送了一小盒心型朱古力給呀B..

兔寶寶對於D盒仔、罐仔都特別有興趣,
唔理食唔食得都愛不惜手,
呢份小禮物啱晒佢呀!