又到端午: 嫲嫲的自家上海糉

2012年6月13日上午2:06

6月13日  星期三  晴天

下個星期六就端午節, 又係兔寶寶嫲嫲包糉嘅時候喇!
今年呀嫲仲專登包咗幾隻細細隻嘅BB糉俾兔寶寶,
外型好可愛架~
多謝嫲嫲!!!

眾多過節食品入面, 我最鍾意就係食糉架喇!
一個端午節前後我起碼食十隻糉!
尋日烚咗3隻吃, 兩隻正常size(其實都比出面嘅糉細一個碼),
加一隻BB糉.


第一款係紅豆糉~

好大隻咸蛋黃呀!!

嫲嫲唔係用現成咸蛋黃, 係用一隻隻咸蛋走白嘅,
睇吓, 隻黃流油架!
點埋沙糖食好好味.

第二款係綠豆糉, 係大少請嫲嫲為我包嘅.
我最喜愛係最簡單、最普通、响粥鋪度都可以食到嘅咸肉糉.
解開糉葉, 有少少失望添!

呀嫲都係用返上海嘅包法, 用連殼綠豆撈埋糯米去包,
唔同廣東糭一層糯米包住去殼綠豆....

入面有咸肉, 雖然唔係我想像中嘅綠豆糉,
不過都好好味! 而且咁包法好似無咁油膩!

第三款係BB糉.

併埋落粒瑞士糖度比較吓....

無調味的, 是做來給兔寶寶吃.

不過兔寶寶吃了一口就不再吃了.
三隻糉, 通通落到了我肚子裡...
仲有第四款糉聽日先吃, 而家估吓佢有乜料先.

兔寶寶: 媽咪我唔知你乜料就真呀!
             你食埋嫲嫲包俾我隻糉!!