沙律三味

2012年6月12日上午1:10

呢排大少成日都嚷著要減肥,
除咗一星期跑步幾次之外,
宵夜都食少咗, 唔係唔食, 而係食得輕怡D.

兔寶寶: DADDY加油!

早排整過薯仔蘋果沙律,,
跟足呀SO個食譜, 又落煉奶又落洋蔥咁,
好食就係好食, 不過沙律醬加煉奶真係肥爆,
唔適合減肥期間進食, 呢款要OUT呀!!


於是又試下整生菜沙律, 棄用肥滕滕嘅沙律醬,
改用日式芝麻汁, 叫做肥少D!
大半個生菜加半條仔甘荀, 話咁易食晒LU!

前一日整咗拍青瓜諗住醃一晚,
點知大少返來話好肚餓就成盒食晒!
剩底D汁好似好嘥咁....
晏晝食完吉野家嘅冷粉絲之後,
靈機一觸諗到用芋絲解開佢來扮粉絲!
用返浸青瓜嘅醬汁(鎮江醋、醬油、糖、蒜茸和七味粉),
咁就成為大少另一晚的宵夜了.

可惜大少唔生銹, 食完沙律本來好地地的,
又走去鯨吞半盒家庭裝雪糕.......無言.