2014年10月12日 星期日

雜記

10月12日  星期日  晴天


上兩個星期, 
同舅父出咗去一次九龍城.
由北角碼頭搭船出去, 又見到上次隻貓.



 去九龍城無食泰國野, 
搵咗間大件夾抵食的港式餐廳--哥登堡.
下午茶三十幾蚊, 都幾大碟.

******************

兔寶寶, 又扮兔女郎!


****************

上週未, 大少同咗我去飲茶.
好耐都無在星期六飲過茶, 人多等得又耐..
我地坐一張大枱, 搭咗四家人..
不過呢日話題都係圍繞佔中, 
立場一樣嘅, 好易傾得埋..


飲完茶趕頭趕命搭港鐵入銅鑼灣, 
未佔中前, 就幫兔寶寶响佢以前上開playgroup果度報埋Phonics.
上完堂, 去咗皇室堡入面間玩具反斗城玩.


*********************

上週日, 去咗沙田陪呀媽食齋.


無添加唔商業化嘅齋菜.


不過兔寶寶呢日胃口一般咋~


食完齋, 呀媽同呀姨們行街街.
我就一心想同兔寶寶去下沙田IKEA入面嘅兒童遊樂場玩, 
所以各有各行.
去到IKEA, 例牌要入去Cafe入面食下佢個杏仁批.
週日好難搵位, 
我拖住兔寶寶, 搵得一個位.
很感謝那家人, 叫個應該都只是初中的兒子自己去攞張圓櫈坐, 
讓張椅俾我~

食完野BOOK埋遊樂場, 
見未夠鐘, 就走入宜家行陣.
主要, 又係行兒童部.
 

夠鐘玩波波池!
每人限玩廿分鐘, 不過唔洗錢就算係咁喇~
如果我住附近, 會成日來!
其實佢嘅高度限制都幾嚴謹, 要90-120cm,
下次兔寶寶應該會過咗高度玩!

等佢玩期間, 我再排隊買定爆谷汽水等佢...
所以話呢, 
星期日最多菲傭嘅地方係皇后像廣場,
而最多港傭嘅地方, 就非兒童遊樂場莫屬!



5 則留言:

  1. 走入宜家, 見免寶寶好開心玩樂^^ 好enjoy添~
    兔寶寶揸筷子, 第一眼見似模似樣, 望真原來有個手指卷在筷子^^嘻嘻~

    回覆刪除
  2. 祝你工作順利, 這樣忙碌的你, 仍舊勤力寫blog~

    回覆刪除
  3. 好似好少見兔寶寶同差不多年齡的朋友仔一齊玩,不過,佢都好自得其樂。

    回覆刪除
  4. 哈哈,兔寶寶鐘意玩多過食喎!

    回覆刪除