又係雜記

10月7日  星期一  晴天

早幾日响價真棧買咗筒聰明豆,
請兔寶寶食四粒後, 
懶安全咁放咗响櫃頂, 以免小童誤服...
前日天氣涼熄咗幾個鐘頭冷氣, 
咁就放咗隻蚊入來, 我同兔寶寶都被咬了幾口...
臨出街前就打算點個蚊香放上櫃頂驅蚊.

點知一時睇唔到筒聰明豆,
成筒倒晒落地, 週圍都係朱古力豆.
這下兔寶寶可樂了,
雖然我猛咁叫佢唔好執來食,
佢又點會聽呢?

估唔到一向慢吞吞嘅兔寶寶都有極其敏捷的一面,
我執起一粒, 佢已經把三粒塞入口了.
那一刻我想到電影中經常出現的走難場面: 個主角跌了一袋錢, 不斷叫人唔好執, 而D途人又不斷執入自己個袋...
幸好那時呀B剛吃完飯, 肚子並不餓,
才大大減低了戰鬥力. 
執完倒返入個筒, 原來佢已經食咗半筒了....

******************************

BB時不愛戴帽, 

現在受到同輩影響,

都喜愛戴了.

當然不忘發揮佢攪笑本色啦~

************************

上週煲了五指雲芝湯, 

加入了蘿蔔栗米瘦肉, 

聽blog友說栗米的葉和鬚都有益, 

也就加進去一同煲了..

大少前天的午餐, 

  近排佢食得少, 都費事煮麵俾佢食一半倒一半喇~