十。一假期

2014年10月3日  星期五  晴天

十月一日紅日, 

大少都响呢日放假.

因為晚上BOOK了枱在中環吃放題,

所以下午我地去咗上環行吓,

行完行過去就得.

其實我唔係襯熱鬧專登揀呢日去中環, 

而係人地未話"去飲"前, 就已經BOOK定枱.

點知去到餐廳先發現職員寫錯日子, 

BOOK咗星期五!

唔知算好彩定唔好彩, 咁啱因為佔中, 

平時爆到七彩嘅餐廳, 

竟然得幾枱客, 我地先可以有位坐咋~

食物相影得好少, 

來來去去都係果D!!

兔寶寶開動了, 勁食!

呢日早上同咗佢去灣仔睇醫生, 

醫生叫佢要戒凍野同甜野!

不過我見佢日頭無乜咳, 

咁就算啦, 俾咗一球仔雪糕佢食.

其實我自己病都唔會點戒口, 

甚至乎會以毒攻毒等佢快D好...

而且我覺得細路仔返幼稚園就一定容易生病,

點戒口都無用, 

係要病多幾(十)次之後先會對D病菌有抗體的.

隻衰豬一路食一路扮晒野, 

話好凍好凍!

食到飽一飽, 照例我地會行一陣先返屋企.

事先講明, 我同大少都唔係關心政治嘅人, 

真係咁啱行咗過去.

見到平時車水馬龍嘅中環咁嘅樣, 

先忍唔住影下相姐!

今晚在旺角發生很多流血事件.

作為香港人, 我當然不希望那些聲稱是反佔中, 

走去打人的是由政府秘密安排啦!

但, 佔中事件的確對我們一家引起很多麻煩.

先是兔寶寶停學, 

迫令我要踏正六點準時收工...

(平時我安排佢延展至七點幾八點, 就算六點多在公司離開都可以悠悠閒咁去接放學.

呢幾日停課, 其中一天由祖母睇住佢, 

有兩日迫住要送佢返學託兒, 但學校要求盡早接佢離開, 

因為老師們都要早走, 以免危險)

再停課我真擔心俾老細咋形了~~

其次是大少份工都俾今次佔中影響了不少生意..

所以呢, 

我很希望所有黃絲帶, 

搬去維園靜坐吧!

維園不夠坐, 去天馬艦, 

去香港公園, 

不要騷擾我們這些手停口停的, 好嗎?!