6月13日 星期五 晴天
就皮膚敏感看中醫前,
擔心紅疹再次玩野臨時玩"僕哩哩",
大條道理走去食麥當奴整個朱古力雪糕新地,
盡地一鋪, 唔走最惡毒嘅花生,
讓最璀璨的風疹展現在中醫眼前...
醫師看過兔寶寶的臉色,
話佢都應該有D濕喎~
叫我煲D開奶茶佢飲!
睇過中醫要食中藥,
一定要乖乖戒口, 否則食藥都無用.
星期三大少放假當日,
叫咗大少做半日湊女公,
夜晚諗來諗去, 決定去灣仔好出名嘅燒爉檔食!
醫師要求戒口期間多吃豬肉和白飯"補中益氣",
餐餐唔係瘦肉米粉就係瘦肉飯,
仲要不可吃太多菜(之前我每天閒閒地食兩斤菜, 食草咁食...)
外食最佳選擇, 就係叉燒飯!
再興以"平靚正"出名,
無記錯的話呢碟飯係廿九蚊,
單雙拼、碟頭碗頭同價!
呢碟叉油雞, 又係廿幾蚊!
大少仲要了碗同燒爉唔"啦間"嘅生菜鯪魚球!
慌C我食唔夠肉,
佢再叫多碟叉燒!
呢碟係"小食"size, 只係十二蚊!
去街市買舊豬肉都係咁多!
當食仲有"招牌"size,
即係貴少少又大碟D...
呢碟指明要"瘦叉".
我地坐得好近門口,
嚟買外賣叉燒嘅人係未停過!
收錢都收到手軟!
埋單連兩碗極好味嘅例湯, 係九十幾蚊!
難怪午市時行過, 插針都插唔入.
出紅疹真係長手尾
回覆刪除紅疹痕嗎???好辛苦啊!
回覆刪除我好鍾意食叉燒。
回覆刪除濕疹好多野要戒口
回覆刪除係咪再興燒味呀?
回覆刪除叉燒好抵食:D
回覆刪除