週日晚會@屯門富臨

6月10日  星期二  晴天

續: 週日佛堂午餐.

上到去呀公到, 
坐咗唔夠一陣, 呀婆帶兔寶寶上天台餵雀.
順手摘了一支花下來.
呀B拎住支花好開心, 
平時去街市買花, 佢都要爭住拎架~

無野好玩, 

呀公拎對新鞋俾兔寶寶試著...

呀B著住佢危乎乎的行呀跳呀, 

 愈危險愈高興.

再無野好做咩?!

食野啦!

又魷魚絲又果仁又香蕉, 

都預咗佢夜晚果餐唔洗點食.

夜晚就去呀公屋企對面富臨.

本來打算食佢D孖寶套餐,

點知呢日酒樓有酒擺, 

所有特價套餐暫停供應.

好多人埋位後先知道, 即時媽聲四起.

臨時臨急, 去第二度都係等餐C,

所以星期日出街食飯都唔係咁好~

叫了薯仔牛柳粒.

冬菇海參炆鵝掌、

青瓜拌海哲.

雜菜煲.

帶子珊瑚蚌炒西蘭花.

鐵板黑椒豬手.

食物水準同平時一樣.

但一有酒擺, 伙計忙到甩轆, 

一個怨另一個唔做野, 

有D又一路做一路EE哦哦.

咁嘅環境, 早走早著...

等埋單執枱時伙計才醒起未上甜點, 

兔寶寶果頭話飽到連西瓜汁都飲唔落, 

呢頭見到碟桂花糕就九秒九爬入口.

五位茶錢連三碗白飯和一渣西瓜汁, 

埋單七百多.

下次都要早少少問定酒樓有無擺酒.