Veritas's Blog: 和嫲嫲婆婆稻香晚飯

2013年9月6日星期五

和嫲嫲婆婆稻香晚飯

2月26日星期二晴天

第二日在按摩院起床後,

本來打算一起床就走,

卻發現大少已經走咗去隔離房按多三個鐘.
尋日好多blog友都說我好鍾意返大陸玩,

其實我唔鍾意, 甚至有D憎添!

一來我D普通話唔多掂, 返到上去我好似啞咗咁;

二來平時响香港大少瞓咗覺我都話可以帶下兔寶寶落下街, 食下野,

但响大陸我就唔敢自己一個帶住兔寶寶上街了,
所以有好多時候極其無聊咁睇住大少瞓覺, 而我地兩條友就唔知做乜.

三來我覺得返大陸嘅節目(除咗果日去動物園外)根本說不上是親子活動,

大少放假上咗去按摩相對地就即係少咗一日陪兔寶寶玩.

只不過大少成日都覺得自己好攰, 佢又覺得係要按摩先可以令佢舒服一點,

咁唔通我叫佢一個人上去咩?
坦白講一個男人上到去我真係唔放心囉!
講個秘密大家知, 夜晚瞓唔著時我好鍾意上香港討論區,

乜野版我都睇, 連養魚版體育版地產版股票版呢D唔關我事嘅都會睇,

連夜遊版都睇埋.

因為宜家無咁多時間睇書,

睇呢D討論區呢, 每一個post都好似係一個故事咁,
又唔洗嘥時間去追, 又可以知多D宜家D人做D乜, 諗D乜.
從國內夜遊討論區中, 我會知邊D場係正經, 邊D場係扮正經,
邊D場係擺明唔正經.
而綜合我所爬過嘅文, 我終於領會一樣野,
响大陸再正經嘅按摩院, 都會有唔正經嘅技C!
我得承認男人要去玩唔一定要返大6,
但大6嘅女人就極有手段去勾搭男人!
所以呢, 就係呢個原因, 我每次都會跟埋大少返去喇~~

好喇, 廢話講完,
果日我地返到香港, 已經係下午茶時間喇!
返屋企沖吓涼執吓野, 就夠鐘食晚飯,
呢晚約咗爺爺嫲嫲仲有婆婆一齊, 俾大家見多D面.
兔寶寶套拜年衫又出場喇!