懷念

7月2日  星期三  晴天

舊居執了八八九九, 

最吃力的不是執, 

而是把所有物件, 包括櫃桶抽出來用大水喉洗刷一次.

明天叫了搬運工人正式搬居了.

離開這住了差不多兩年的地方, 

最不捨的是一班常常碰面的街坊鄰里:

樓下office姐姐, 

附近的麵包店和精品店, 

甚至是超市的店員, 

幾乎每天都會走入去打牙較. 

以前並無"街坊"這個概念, 

對每天都會見的"陌生人", 最多都是點吓頭~

直至成為全職師奶, 

加上有兔寶寶這個專業PR, 

使我多了一班無所不談的朋友, 

雖然有些我連人地個全名係乜都唔知, 

但他們一定比我的親友更清楚我的日常作息, 

也讓我多了一個渠道去傾吓講吓.

兔寶寶在這兒也結交了不少朋友,

發展她人生中第一段友情~

兔寶寶很喜歡這個姐姐, 

為了她, 週未時我應該會帶呀B返灣仔玩吓~

動漫基地的姐姐們~

樓下office姐姐和她兒子...

每次經過如果姐姐不在, 

呀B會說姐姐放假了~

又, 我問她將來和嫲嫲一起住好不好?!

佢話唔好, 要同姐姐一齊住! 

更改地址手續已辦清, 

寬頻搬遷那方面本也更新了合約.

直至今天下午才收到電訊盈科通知, 

說不能如合約所講在後日搬遷, 

因為他們的線路未ready, 要等四星期!!!

(但之前查詢, 佢地答我新地址是有光纖覆蓋, 

並因此而要我簽一個貴D的plan!

今日我問佢點解同樓的人可以用它們的服務, 

佢地就答我: 新客戶, 要排隊! 

真巴閉!)

無得say no, 一係終止合約, 

唯一的補償是唔洗交"終止合約"的罰款!!!

真是豈有此理!

這兩天除了攪搬屋, 

仲要搵下最快邊度有上網..

(pccw的客戶服務提議我一路keep住排隊, 

一面搵吓第二間上網!)

可能有一排不能在網上看到大家了~