2014年6月6日 星期五

放假一天。富臨一蚊雞

6月6日  星期五  陰天


今個月無再幫兔寶寶在星期三請假, 
星期一至五都返playgroup, 
等大少放假可以名正言順瞓到兩三點先起身.

放學後, 
我D皮膚敏感仲未好返, 
漫延至手掌, 三點三果餐懶得煮, 
帶兔寶寶去M記攪掂~



仲有雪糕食!


晚飯前大少帶了兔寶寶去市代廣場行吓街, 
俾我可以响屋企涼吓冷氣抖吓.



晚飯就在屋企對面酒樓解決.



叫了一碟一蚊雞, 
好食過稻香好多!



還有一個三寶套餐, 
包括龍躉兩味: 炒斑球和蒸頭腩, 
還可以從燒味拼盤和燒乳鴿兩隻中選一樣.
我們要了燒味拼盤.
三個餸的套餐, 特價二百幾元.


食到咁上下, 
大少同兔寶寶又玩到癲晒.
今日Daddy同佢玩咗半日, 
呀B即刻轉口風話要Daddy, 唔要媽咪喎!



雖然隻一蚊雞好似好抵, 
但加埋一搾西瓜汁、兩枝啤酒、一碗白飯都要四百幾五百蚊埋單.
我還在吃藥中要戒口, 
什麼都不敢多吃, 
只有用西蘭花送白飯, 
打包了大半隻雞回家.

3 則留言:

  1. 好食過稻香, 真係好好食!
    兔寶寶笑到見牙仔添~哈哈~

    回覆刪除
  2. 皮膚敏感就最慘~我好明白~~我都好易過敏架因為~!!

    回覆刪除