和三大長老吃晚飯

2月13日  星期四  寒冷

星期三大少放假, 

呢一晚爺爺嫲嫲約咗我爸爸媽媽食飯,

日頭無乜特別野做.

天氣凍我都唔想落街, 

氹掂大少, 由佢帶兔寶寶上playgroup,

等我可以躲在被竇偷吓懶~~

 

等佢地上完playgroup返嚟已經五點幾, 

舅父首先上咗嚟同兔寶寶玩, 

晏少少婆婆都嚟埋, 

而呀公就怕應酬, 無出嚟~~

 

雖然呢晚又凍又濕, 

依然有好多人响稻香食飯.

叫咗半席套餐, 

其中有圓碌碌嘅炸蝦丸, 

夾俾兔寶寶, 佢唔肯食...

原來要自己夾先食!

套餐都係果D野啦, 

稻香價, 埋單都係幾百蚊, 

食飽七個人.

唔叫套餐, 可以叫八十八蚊一條老虎斑, 

都好抵食.

三大長老圍埋,

話題離不開個孫女, 

 所以呢晚兔小姐最招積~

食到八點幾, 夠鍾扭眼瞓!

朝早八點起身未瞓過晏覺, 

又難怪佢會攰嘅...

幸好三大長老都有準備零食來氹孫...

就算無都好, 見到咁大籠壽包, 

小朋友都會醒一醒神嘅~

去到最後交換禮物環節, 

三大長老當然會你謙我讓一番...

兔寶寶見到大人有禮物都唔收, 

呆呆咁望住.

要佢明白固中原因, 都好難~~~

送完爺爺嫲嫲和婆婆舅父搭車後, 

我地仲順路行去買雞蛋仔食, 

之後去買超級市場先返屋企~