富臨長腳蟹。Espuma吃豬手

12月11日  星期五  晴天

尋日寫開網誌先記得上個月影了很多相,

其實每年年尾都好開心, 又聖誕又新年,

而且呀公生完日又到舅父生日. 

呀公在十一月尾生日, 我地提前入去為佢慶祝.

之前想過再去吃自助餐, 但大家都不是吃得多,

大少於是提議吃長腳蟹.

去到富臨正好長腳蟹做特價, 於是揀了一隻最肥最生猛的, 

大家都估有六七斤...

部長從廚房出來, 說是五斤多...好老實呀!!

比我們估計的還少!!! 

我是第一次吃生猛的長腳蟹呢!

真的是很多很多用, 特別是"較"位, 

啖啖蟹肉像拳頭般大, 美道很鮮.

而且有好多好多白色的膏遍佈蟹的每一處, 

每條蟹腳都有一層鮮美的肥膏墊底.

那天我們還叫了龍蝦, 

但吃過一口蟹, 再也不願意返轉頭吃龍蝦了.

大大一隻蟹,  一斤百幾二百蚊, 只是九百幾元!!!

實在太抵了...在街市買得到返屋企都無咁大個鑊去蒸.

而且那味道很難忘. 今年有很多機會吃大閘蟹, 

但吃過這一隻...再食大閘蟹都不覺得好吃了.

臨尾還有為兔寶寶而舉行的切蛋糕儀式...

 

家裡誰生日都似係兔寶寶生日...

襯機會影下大合照...

係喇...個蛋糕有兩隻老鼠...

很好奇是什麼來的...

兔寶寶吹完爉燭, "協助"呀公切蛋糕, 

又乖乖的派碟分叉...

我啱啱想話分咗兩隻老鼠來吃...

才發現其中一隻粉紅色的不見了...

望一望呀B, 佢個咀巴撐得鼓鼓的...

原來佢又再次手快口快咁將自己想食的放入口,

弄得咬又咬不到..吞又吞唔到...要等粒朱古力慢慢溶..

 十二月頭是舅父生日, 我們又是提前慶祝. 

舅父想去灣仔的Espuma吃西班牙菜.

我和兔寶寶先到,  打算先叫杯飲品等著.

未到晚上六點, 

店員提議我們可以HOLD 住一份二人的high tea set, 

她說三百幾蚊有甜蜜有些咸點, 份量也不少...而且包兩杯飲品,

加錢可以轉水果茶或Espuccino.

感覺化算, 於是留了一SET, 順便叫了一壺水果茶喝著等~

估不到呀B對住個茶壺...下面支爉燭唱"Happy Birthday to 舅父"...

知道舅父同呀婆差不多到, 叫埋招牌豬手同PIZZA...

豬手皮脆卜卜, 連D肥膏都是彈牙的, 

感覺不到油膩, 大條道理食骨膠原.

呢餐應是我一世人吃得最多..明知係肥膏都放入肚的一餐...

當然, 平時我地食埋好多好多唔知係肥膏的...那些不計

豬手好食, 薄餅也不差..

好快上埋甜品一SET...

香檳杯上, 用一支一邊是匙羹一邊是小叉的食具來吃...

杯杯各有特色, 各人都有自己所喜愛的.

咸點Set...

最左上角那榛子朱古力酥最好吃...

下面的牛油果醬煙三文魚雖然有少少腥, 

但出手很大方, 以為是出面圍一圈, 

原來是一塊實心的煙三文魚~~

右下小圖是朱古力Espuccino..

臨尾叫多份炸芝士, 

店員都笑我地食量驚人.

臨返屋企行過時代廣場, 

兔寶寶同star war角色人物合照.

有小朋友的就會明白, 

聖誕節是很有很有氣氛的!

就算本來無, 小朋友都會提你聖誕節要做乜食乜!

隨住兔寶寶一年一年長大, 

我就愈感受到那聖誕氣氛一年比一年強烈!

是由自己仔女帶動的節日氣氛, 人也開心起來了.

剛剛的週未專程去乘船去尖沙咀, 

為的就是參觀海港城的節日裝飾! 

日頭去, 人唔算多,

氣氛當然無晚上咁好...

但夜晚要拖住兔寶寶又要影相....

我就唔敢兩條友來喇!

LCX入面仲有一棵掛滿迪士尼人物的聖誕樹.

一不離二, 第二天即星期日, 

帶了兔寶寶去太古廣場睇小王子...

 

行完商場再經添馬覽公園行去灣仔街市買餸.

行得累了, 經過藍屋, 走入去吃了一份細沙律.

兔寶寶就要吃朱古力聖誕樹蛋糕...

一如所料, 好睇唔好食, 甜爆!

呀B吃了幾啖唔肯食, 俾我食埋!

而家食多D都唔緊要, 自從上月尾買了部Scooter返屋企, 

呀B每晚都會出走廊玩十五分鐘, 

我就由陪住佢慢慢行..變成跟住佢後面來來回回喪跑...

條走廊又長又直...都有成百米...

有返咁上下運動, 再食多D都得呀~

小圖為今年兔寶寶要種的植物...

可惜搶救無效, 今年又要同老師交白卷了...