再到迪士尼

6月30日  星期二  炎熱

父親節前那一星期, 

去了一次迪士尼.

兩張成人門票是幼稚園學校分派的, 

志在讓家長提前親子慶祝.

只買一張三百多塊的小童門票就可以了, 抵玩得很.

一入場見到米奇老鼠, 兔寶寶話要排隊影相.

但今次來我是想去冰雪奇緣那邊參觀, 

於是在外邊影張相就算了..

利過竟然讓我們遇到Elsa!

她正要返回後台休息呢!

兔寶寶腳仔快快來得及打過招呼、握握手..

好彩咋....因為我地太晏先去樂園, 

果日係去唔到冰雪小鎮的...

職員話我地無入場的特快証(要好早來排隧攞),

排咗都未必入到...

也因為咁, D人迫晒去新場地, 雖然係週日, 

整個樂園反而無乜人.

呀B同小白影吓, 

就當自己去咗冰雪小鎮!

我地俾佢揀, 排兩個鐘睇ELSA, 

定係去玩, 佢話要排隊!

嚇得我吖...

跟住我用咖啡杯呀, 旋轉木馬呢D去氹佢, 

三個人先唔洗大熱天時乾煎咋~

 

去逛迪士尼商店, 

其中一個貨架買兩件半價, 

買四件四折!

揀咗好耐買咗一隻小白背囊、一條米妮裙褲、一件米奇衫仲有一包底底,

埋單係三百蚊有找!

揹住小白去樂園玩, 更開心...

 

 

再試玩一次降落傘!

第二次玩, 呀B今次識驚喇, 

腳都震埋!

我地雖然係晏咗去, 等呀B朝早上完芭蕾舞先起程,

但呢日樂園九點先放煙花, 而呀B又不停話要睇煙花

果日我地成九點幾十點先走, 返到屋企, 差不多十一點!

不過個天對我地幾好, 睇完晒煙花先落雨, 

仲要係勁大雨, 個個都變落湯雞...

 呢架車我都係第一次玩, 次次都排長龍, 

呢日排咗十分鐘左右咋, 

我地仲要係呢條賽道嘅最後兩架車, 

行慢D都唔怕俾人BU喇~

 雖然現在係同大少分開住, 

但我覺得如果唔係面阻阻的話, 

有D活動, 係可以同大少一起參予的.

小朋友很敏感, 以前大少都好少參予我地的活動, 

現在分開住了, 兔寶寶反而會講多咗"爸爸", 

同佢傾計話放假去邊去邊, 以前問佢同唔同爸爸去, 

佢會話唔同, 淨係同媽咪去.

宜家就算唔問佢, 佢都會話, 

叫埋爸爸, 叫埋媽咪一齊去.

就住呢個問題我都有同我老細傾過, 

佢係一位離咗婚多年, 現有老伴, 

仔女都成婚的過來人.

她叫我如果可以, 把孩子爸爸當成朋友, 當成家人吧!

即使孩子在你面前裝得多不介意, 

每當同輩提起自己爸爸, 或當佢見到其他孩子能和父母一起去玩, 

咁細個的小孩其實是會覺得很遺憾的.

我並不是要借孩子去修補什麼, 

反正都分開住了, 對什麼東西, 

自己介不介意, 自己最清楚.

可能我已經睇得透到....見完大少...玩咗成日, 

一撐落床, 什麼都忘記, 

人累得...沒有哀, 也沒有愁.