又食又玩又瞓

3月17日  星期一  晴天

續: 飲茶在粵

飲完茶出來見到錦鋰池, 

舅父整鬼兔寶寶, 

二話不說抱起佢睇錦鋰~

呀B: "我係淑女, 唔好抱我!"

呀B: 飲啖水定下驚先~

都唔知點解兔寶寶都未大定就咁港女, 

佢係果D我攰嘅時候我要你抱就得, 

你想無啦啦抱吓我就唔得嘅串串貢"港B"...

仲有一樣野都同港女好相似, 

成日掛住煲電話粥,

襯呀婆走入洗手間果三五分鐘都要多次閃入電話亭.

拎起電話第一句就問人: 响邊度?!

好明顯係偷聽呀媽講電話時學返嚟嘅;

所不同嘅係佢電話嘅另一頭係無人聽的, 

而且佢把兩邊聽筒掉轉來用了.

 

行吓走吓玩吓, 咁又個幾鐘.

舅父約了朋友在友愛村打波.

雖然我地無响呢條村住過, 

但小時候呀媽常帶我們在那兒玩(即係大人打牌, 細路打機果D)

對這地方都有點情感.

重臨舊地, 舊鋪已經搬了又搬, 

條村亦明顯地變了老人村, 

週日下午時份都冷冷清清~

友愛體育館外的遊樂場反而熱鬧少許, 

上午飲茶時兔寶寶無乜點食, 

現在要吃餅乾和麵包充飢.

 

睇咗陣舅父打波, 
就走入新墟探公公.
經過V-City兔寶寶又不停叫好攰, 
於是搵間餐廳食個TEA, 等佢食D野休息吓.
去咗紅螞蟻, 我叫了蒜香骨天使麵餐, 
估不到三十幾蚊個餐嘅下午茶都有四條骨.

呀婆好識叫野食, 

話要兒童餐同兔寶寶 share!

一來到呀B就喉住杯橙汁!

我估佢都幾唔舒服, 咁細杯都飲唔晒!

仲有就係刨西瓜!

其他薯條腸仔雞翼都唔吼呀!

其實咳就唔好食西瓜嘅, 

不過我自己就唔係D好注重介口嘅人(即係為食囉!)...

反正佢食咁少野, 肯食就乜都要食~

晚上去了酒樓吃飯.

本來食咗咁多野, 加上怕週日人多又唔抵食, 

諗住求其食D野就算.

不過呀公見到兔寶寶笑晒口咁, 心情好好, 

話要請呀B食龍蝦喎~

薯仔牛柳粒, 

個真名係好聽點的, 哈哈!

D牛肉都幾好食~

炒蜆, 好大碟!

雖然唔係好好鑊氣, 但無砂又唔油, 

辣度對我來講仲啱啱好!

仲有一碟花膠炆豆腐, 

和雲耳煮菜心苗.

三大一B食晒全部再加兩碗白飯...

ERR...其實呀B無份食,
坐底無耐佢就話好眼瞓, 跟住瞓咗!

由呀婆抱住佢食!
呀公多次提醒呀婆佢對腳痛, 
提議由佢頂上...
不過呀婆就唔識做喇...
平時呀B唔肯俾公公抱架嘛!

食完飯埋單拍醒佢, 

兔寶寶一醒就狂咳, 

呀公就趁佢神智仲未好清醒時抱吓佢!

出咗去咁耐呀B都無點食過野, 

好彩回程時在巴士上瞓多一個鐘, 

回家吃完藥肯吃半碗爛飯咋~