團購Bubbles Sushi放題

2月20日  星期四  晴天

尋日大少放假, 

去咗金鐘攪D野, 

行一陣商場, 

就夠六點鐘去食Bubbles Sushi喇~

呢間放題我想試好耐,

不過佢主打壽司, 而大少又唔係咁"好"...

襯佢early bird時段做團購就平平地試下.

服務幾好, 

店員主動提供小童餐具, 

又自動波拎杯插咗飲筒嘅暖水俾兔寶寶...

 

有野食!

先來韓風刺身沙律和燒芝士厚玉子.

玉子小小一塊, 唔怕'浪'住個胃.

每位都會送芝士燒生蠔, 好好味~

壽司!

真係食過咁多間放題入面最好食嘅!

店員仲提我地要快D食晒D軍艦壽司, 

唔係D紫菜會變淋唔好食!

最好食係中間嘅帶子沙律軍艦, 

比帶子刺身還要好吃很多~

叫咗兩個熟嘅手卷俾兔寶寶, 

點知佢食兩啖就放低俾我執手尾! 

留意手卷較多飯, 真係會質飽肚~

仲有清酒煮藍貝、

燒物、蒜香一口牛、天婦羅、仲有刺身.

樣樣都幾好~

店員提我地叫俾兔寶寶食嘅燒甜薯, 

呀B真係兩串食晒!

牛肉生薑燒、烤羊架、

鮮蝦沙律、蟹籽沙律.

即使唔係沙律, 

其他食物都會伴上少許沙律菜, 

靚仔又有營~

呀B真識食, 係咁食蝦!

甜品都有唔少選擇, 

我地就揀咗朱古力brownie、

士多啤梨卷、窩夫、忌廉巴芙.

每樣都係應熱則熱, 應凍則凍.

最特別係右下角的炸芝士條, 

咬開真係一抽芝士扯出來, 

本身不甜, 係靠上面少少jam帶出甜味, 

啱晒唔鍾意食甜嘅人.

面對咁正嘅甜品, 

兔小姐竟然不為所動?!

佢寧願走去坐爸爸大脾玩筷子, 

之後中咗陣眼瞓!

呢間放題食得過呀!

連大少都讚不絕口, 本來我以為佢唔會鍾意添~

最方便嘅係佢只係响我地屋企附近! 

臨走我地仲即場買多兩張coupon入埋會做會員, 

以後仲有機會嚟~