假期概況

2月6日  星期四  晴天

很久無出post了.

呢個農曆年我地都無乜去拜年, 

甚至連街都無乜點落.

要湊埋哥哥仔係其中一個原因啦, 

另一個原因係D感冒菌不停咁响我同兔寶寶之間傳來傳去.

呀B日頭都無乜野,  

照舊玩得食得, 

但到夜晚就會咳到嘔~

一有多兩下咳聲我就要咋咋林闖入房捧住個嘔吐碗, 

唔係就會攪到一床都係...

所以呢, 過年咁耐晚晚我都要豎起對耳來瞓, 

認真唔得閒呀~

 

 初一去公公屋企拜年...

年三十晚, 

大少帶埋兔寶寶去車公廟上唔係頭注嘅頭注香,

今年我無去,  但呀B依然玩得好開心.

呢幾晚都唔多願早瞓, 

我懷疑佢晚晚都等緊大少帶佢去拜車公...

老爺奶奶照舊返咗大陸過年.

大少晚上無飯開, 今年都懶得煮,

有時同佢出街食~

日日留在家, 

兔寶寶唯有自己搵D野玩~

其實我地做細路仔時放親假都係日日留响屋企"藕"架啦, 

邊有宜家D小朋友咁多野玩咁"充實".

唔悶吓玩吓D無聊野先唔似童年.