食盤菜團年

1月23日 星期四  晴天

星期一我地又入咗屯門食團年飯,

一般來說我家會分兩次食團年飯, 

一次係會同其他親戚,

今次係只得公公婆婆同舅父, 無其他親戚嘅.

我地入到去照舊去上海鋪食野, 

呢間鋪仔認真把閉, 

咁快就已經話係"新春期間", 

無下午茶餐喎~

食碗麵飲杯豆醬就已經四十幾蚊位, 

下次一定唔會响呢段時間幫襯.

食完野, 帶兔寶寶响商場行一陣, 

又玩車仔...

屯門新墟呢面真係好有新年氣氛!

呀B對呢D朱古力金幣好有興趣...

上到呀公屋企就攞D吉嚟玩...

 

食得唔好嘥!

大人在看DVD時, 

兔寶寶就搣吉仔吃.

慢慢搣, 慢慢食,

咁就食晒生果籃內五個吉仔~

之後上咗天台玩吹泡泡..

玩玩下, 竟然瞓著覺!

瞓醒, 扭計.

扭要VV, 唔肯响廁所去,

唔肯响條片去, 呀婆屋企又無potty...

唯有C忍, 急到喊都唔肯痾..

同我和呀婆糾纏期間賴了, 

幸好我醒目一早將佢D褲呀襪呀全部除咗.

可惜的是我不能除自己的,

所以當呀B一身鬆晒之後我就一褲都係, 

要問呀婆借條褲借對襪著...

***************

今餐同上年一樣, 

在海天訂了盤菜.

今年舅父拎, 之前忘了拍照.

在廚房用電陶爐加熱時, 成個煲裂了.

幸好無人淥親! 

呢D盤菜大概只啱用明火加熱的.

最後要分兩個細煲上枱, 

唔似食盤菜, 反而似打邊爐咁唔夠餸就加...

大少一定好肚餓啦, 

個個(除了我老豆, 和兔寶寶外)响廚房度忙到CC吓,

佢竟然敢坐响度食!

唔係照顧兔寶寶食喎, 係自己食!

仲要點我入廚房拎汽水!

响你屋企就話姐, 呢度係我呀媽屋企,

我睬你都傻呀!

*********************

食完團年飯, 我地仲有下場架!

搭亡命小巴飛去上水, 轉火車去羅湖按摩!

慣咗早瞓嘅兔寶寶, 一坐低就中眼瞓~~

 

之後仲瞓埋添~

好奇怪啊, 在大陸的兩日行程裡, 

佢又無扭過去廁所喎, 等我仲擔心佢有排扭添~