下午茶@新森林

9月3日  星期二  晴天

暫時未有幼兒園收兔寶寶, 

呢排佢都係返住playgroup先啦...

都問過學校waiting list 嘅情況係點, 

由於我地上年十一月先交報名表, 估計今年排到嘅機會都幾渺茫...

呢排報多個playgroup, 係不允許家長參予嘅, 

又有茶點時間, 希望俾兔寶寶習慣吓...

一班好幾位學生, 最高大嘅係兔寶寶, 

但原來年紀最細係佢...

基本上佢上堂都無乜野嘅, 

係到放學時間, 一連幾次我都早到, 

佢响窗口望到我, 就會扭計話要去街街囉(即係想離開課室, 走人咁解!)

上個星期上完堂, 大家都餓餓地, 

帶佢去附近新森林食個TEA...

 

 叫咗個雞翼拉麵餐, 

連飲品都係廿七蚊, D麵好多, 

幾好食, 比大X樂的下午茶餐還要抵.

望下餐牌, 原來加三蚊仲可以有餐湯和蒜蓉包, 

即時追加一份. 

西湯有羅宋湯和是日忌廉湯, 

當日是青豆忌廉湯...

蒜蓉包很大塊, 味道都過得去...
係兔寶寶咀仔細先食到皺晒眉姐~

**************

昨日收到老師email, 告知兔寶寶上堂情況, 
還附上照片兩張. 

老師話呀B好享受同隔壁位同學仔玩喎!
係咪即係暗示佢唔專心上堂呢?