蕉蕉

5月22日  星期三  晴天

兔寶寶最鍾意嘅生果就係香蕉,
果然係馬騮仔...



佢識自己搣皮架!
今次就太心急喇,
搣咗一半就食唔切!

成隻搣晒啖啖肉先食得夠爽嘛!
好多人問點解兔寶寶個頭成日都濕立立,
因為屋企仲未係廿四小時開冷氣嘛,
暫時都仲頂得順, 到臨瞓前先開!
不過呀B就要每日沖兩三次涼(只有一次下淋浴液)以保持乾爽咯!

********************

有一晚又出咗去茶餐廳食宵夜,
三個人share一份雜扒餐...

兔小姐食青瓜幾咁斯文啖定?!

食薯條就唔係咁款喇!
成條(或兩條一齊)"啪"落個口度...

大少隻纖纖玉手很怕熱,
平時飲茶如果隻杯無耳仔呢,
佢會連埋下面隻碟一齊拎住飲,
十分攪笑.
兔寶寶學埋老豆D野,
怕個杯熱掛?! 放個碗响下面捧住飲,
到我要搵碗仔時才發現碗仔不見了...