第一次幼兒園面試

1月20日  星期日  晴天

尋日, 兔寶寶試咗佢人生第一次面試呀!!

未interview之前, 其實我都沒抱很大的信心.
聽過這區的家長說, 幼兒園interview,
會考形狀、顏色等等...
教了兔寶寶很久很久,
佢都只是懂得一種顏色,
就是"唔識!"
跟著住在隔壁的鄰居告訴我,
他兒子(比兔寶寶大一嵗)因為無讀過nursery,
再加上只懂說英文(因為他們是外國回流返來的, 加上太太是外國人),
竟然跑勻全區都沒有幼稚園收!
我見他兒子都很醒目, 問什麼他都懂得答,
我就更加擔心兔寶寶了.


好喇, 醜婦終需見家翁..
昨日見的幼稚園, 是大少的心頭好,
覺得它規模大, 校風好等等...
不過我就不是太喜歡的, 因為...太遠了,
幾乎要行到去金鐘, 除了的士和步行,
暫時我還不知道有什麼交通工具可以到達.
前一天兔寶寶還不肯睡覺, 到瞓著時已經是早上五點了.
八點鐘被我拍醒, 還哭了起來.
我心想, 今次C梗喇!
一上到去學校, 已經見到一班BB和家長(還有很多賓賓、呀爺呀婆咁),
我只是一個人帶著兔寶寶.
很多BB都很醒目, 用中文和英文指著牆上的動物說這是什麼、哪是什麼...
咁我都扮晒野指住朵花, 希望兔寶寶能說上一句"花花"...
可是兔寶寶卻不肯說話.
這時我的心已經冷了半截了.

第一round面試,
差不多一百個BB, 連同一位家長,
在一個充滿玩具和圖書的playground內玩.
有大概十多位職員在一旁拿著一塊計分牌記下每個小朋友的表現.
平時四圍走、百百厭厭的兔寶寶,
竟然什麼都不玩, 只是都圖書閣看書.
看完一本, 放好, 再看另一本...
(真是少有呀! 平時去圖書館, 佢唔係睇書, 係掃晒D書落嚟)
即使有小朋友攪佢, 又或者D玩具丟倒佢,
佢都不為所動, 少有地咁乖呀!
現場真係好混亂, 見住咁多BB,
跑的跑、哭的哭、扭計的扭計、爭玩具的爭玩具,
我真是覺得平時是小魔怪的兔寶寶,
忽然化作了一位小天使了....

第二round,
十位家長連同BB, 再加上一位老師圍成一圈.
每個BB都分得一盒顏色筆、一張紙,
俾佢地塗鴉.
老師就同家長講下學校的特色, 又一起討論下教育小孩時遇到的問題.
初頭BB們看到紙和顏色筆都很雀躍,
隨著大人的談話時間愈來愈長,
有些BB開始不耐煩了, 又有D搶人D顏色筆,
甚至逃離座位.
平時坐唔定的兔寶寶, 竟然無嘈過,
專注地畫畫畫,
只是同我EE呀呀的說了幾句: 投訴坐佢隔離的BB搶佢D筆.
到談話結束, 兔寶寶竟然係唯一一個無扭過計的小孩.

今次呢間學校無考過BB任何關於知識上的東西,
反而著重孩子乖唔乖、易唔易扭計,
考EQ多過IQ.
個老師話幼兒班都係教佢地自理,
控制自己嘅情緒, 唔好養成公主王子病咁,
識幾多野反而係其次喎!
咁我又幾欣賞呢一點喎.
雖然係百幾人爭十幾個位,
但從兔寶寶今次嘅表現, 我又覺得佢有D機會架!

P.S. 和朋友講今次interview兔寶寶反常的行為,
 佢衰衰咁話: 會唔會唔夠瞓, 無晒energy作反呀?!
跟住又話兔寶寶平時咁識扮野,
會唔會知道interview响度扮乖呀?!