百厭星現身

1月21日  星期一  晴天


尋日大家都懷疑兔寶寶面試時真係咁乖定扮野,
等我開估啦!

今日又去酒家仔食LUNCH,
一坐底, 呀B就攞D杯杯碗碗敲敲敲,
愈叫佢唔好, 佢愈係要敲..

好彩間酒樓夠嘈咋, 唔係實俾人blacklist,
以後都唔洗幫襯喇!

飯後响298商場行咗陣,
之後去公園玩.
拎住個波嘅兔寶寶, 英姿颯颯,
成個女版C郎拿度咁...
哎~ Sorry,
C郎唔會用手拎住個波架喎~

原來呢個C郎唔係踢波,
係負責執波嘅...

執波執到攰,
仲坐咗响度, 好無體育精神喎!
執波, 都應該有執波嘅專業先得架嘛!

起身!
一人分飾兩角, 做埋啦啦隊,
為自己打打氣!



從新再投入, 做一個專業嘅執波妹!

睇咗咁耐, 玩得咁開心,
大家梗係以為個波係我地帶去架喇!
Sorry, 係我個女....搶人地嘅,
要還人家喇!



無波玩,
見有另一個BB, 拎住支樹枝响度篤篤篤;
兔寶寶走埋去, 想搶埋人地支樹枝...
真係撩交打..

之後仲做埋逃學威龍,
表演爬鐵絲網呀!

前日咁乖, 今日還原真我本色,
兔寶寶, 你係得嘅!
最佳女演員, 非你莫屬喇!