外食晚餐

10月26日  星期日  晴天

上週三大少放假, 

佢接埋兔寶寶放學, 然後過來觀塘等我放工!

因為太攰, 所以都係去返北角食.

本來話去打邊爐, 經過一間之前我成日行過以為係中旅社嘅西餐廳, 

肚餓就唔諗咁多, 入去試下!

點知...踩雷添~

無為意間野叫乜名, 招牌就係果粒紅星.

就係呢粒星, 多次令我以為果頭有間中旅社...

 

格局, 比一般茶餐廳好, 有爉燭亦有萬勝節裝飾.

其實宜家好多茶餐廳都裝修得好靚喇~

白湯, 睇款好靚..

但我從未飲過咁難飲嘅白湯, 好似味精水溝生粉咁.

個包話係自家制, 仲寫明無限添食, 

不過我食咗一片, 再執埋兔小姐食剩果半片都夠飽了.

大少嘅美國安格斯牛肉眼扒,

明白只係收你百零蚊, 叫安格斯就得啖笑,

但佢塊牛肉, 我會期望比平時去茶餐廳食開四十零蚊果D牛扒飯好食少少...

兔寶寶一心想食意粉, 佢話得天使麵, 

都好過無喇, 點知夾起來...變咗天使麵...團~

我嘅雜扒餐就正常得多喇!

試完大少果碟, 我呢碟直頭變咗美食添!

很奇怪呢份雜扒入面嘅牛扒, 竟然比大少果塊仲好食!

紫色果舊係紫蕃薯蓉, 中間挖空少少加入忌廉汁, 

算幾有心思.

睇下佢兩父女嘅表情, 

就知今餐有幾好食..

跟餐加十五蚊有塊芝士蛋糕, 

味道亦不錯,食咁多樣野當中, 

                              呢樣兔寶寶食得最開心~

 

 同場加映, 叫極唔醒兔寶寶~

今日早上去附近商場地下睇狗仔~